Foto: worldbulletin.net

BWW-na qarastı Halıqaralıq Rahımşılıq wyımı (Amnesty Internation) AQŞ jetekşiligindegi odaq küşteri Süriyanıñ soltüstigindegi Rakka qalasında qaza tapqan jüzdegen azamattıñ ölimine sebepker, dep mälimdeme jasadı. Bwl turalı «20minutes.fr» habarlaydı.

Wyımnıñ mälimdemesine säykes, AQŞ-tıñ jetekşiligindegi odaq küşteri terrorlıq wyım DAIŞ-tıñ beyresmi «astanası» Rakkada wyımdastırğan äskeri qimıldarı jüzdegen adamnıñ ölimine sebep bolğan. Rahımşılıq wyımı Halıqaralıq dağdarıs wyımı Donatella Rovera: «Şabuıldar kezinde köptegen azamat öltirilgen. Negizinen qayğılı oqiğa birneşe aydan keyin de zerttelmegen. Qaza tapqan qwrbandar üşin ädildik kerek» , - dedi. Odaq küşteriniñ mälimdemelerinde Wlıbritaniya men Franciyanıñ da qatısuımen AQŞ pen onıñ odaqtastarınıñ DAIŞ-qa şabuıl jasaudı közdegenderi jäne qalanıñ auqımdı bölikteriniñ qiratıluına äkep soqqan qayğılı oqiğalar kezinde de qaza tapqandar tirkelgenin ayttı.

Halıqaralıq Rahımşılıq wyımınıñ Wlıbritaniyadağı direktorı Keyt Allen, "Wlıbritaniya osı qayğılı oqiğağa qatısı barın moyındauı kerek. Rakka qalasında azamattar DAIŞ-tan ayausız qısım kördi. 200-den astam äue şabuılı orın alğan Rakkada Wlıbritaniya AQŞ pen özge odaqtastarımen birge jasağan operaciyalarında adam şığınına jol bermeu üşin qolğa alğan ädisterin körsetuleri kerek», - dedi. Ol sonımen qatar, Qorğanıs ministrligin «Rakkadağı şabuıldar jöninde dwrıs mälimetterdi jariyalauğa» şaqırdı.

“The Qazaq Times”