Photo: Informburo.kz

Elimizdiñ densaulıq saqtau ministri Eljan Birtanov Qazaqstanda meningokoktı infekciyanıñ qaşan bäseñdeytinin naqtı ayta almadı. Vedomstvo basşısı qauipti auru bir jıldarı örşi tüsedi, endi birde qarqının joğaltadı. Sondıqtan onıñ naqtı qaşan joyıların döp basıp ayta almaymın dedi.

"Densaulıq saqtau ministrligi sapalı medicinalıq qızmet körsetiluin ğana qadağalaydı. Biz virustı infekciyanıñ naqtı qaşan joyıların bilmeymiz. Meniñşe, elimizde meningitke şaldıqqandar sanı köbeymese, äzirge azaymaydı. Biraq jwrttıñ üreylenuine sebep joq. Öytkeni, Qazaqstanda osıdan 20 jıl bwrın meningitke şaldığıp, köz jwmıp jatqandar äldeqayda köp edi " - dedi, Birtanov.

Meningit mısıqtabandap nauqastardı şetinen jalmap jatqanda - eldiñ dürlikpeui mümkin emes sındı. Qauipti dert jastı da, jasamıstı da bauday tüsirude. Osığan qaramastan ministrlik elimizde karantin jariyalauğa asıqpaydı. Aytuılarınşa, meningitten qaza tapqandar sanı 20 adamnan aspayınşa jağday qalıptı äri twraqtı sanaladı eken.

Sonda ministrlik qaza tapqandar sanı qaşan qalıptı deñgeyden asıp keter eken dep, äliptiñ artın bağıp otıra bermek pe? Şendilerdiñ mwnısın qanşa tırıssaq ta wqpay-aq qoydıq...

“The Qazaq Times”