Foto: azattyq.org

Bügin, mamırdıñ 31-i küni Qazaqstan parlamenti senatı prezident Nwrswltan Nazarbaevqa Qauipsizdik keñesin ömir boyı basqaru qwqığın beretin zañ jobasın maqwldadı. Bwl turalı Azattıq radiosı habarlaydı.

“Qazaqstan Respublikasınıñ Qauipsizdik keñesi turalı” zañ jobasın Parlamenttiñ eki palatası qabıldap, prezident Nwrswltan Nazarbaevqa joldadı.

Bwğan deyin zañ jobasın deputattarğa tanıstırğan Qazaqstannıñ ädilet ministri Marat Beketaev onıñ qabıldanuı “Qazaqstan Qauipsizdik keñesin eldiñ wlttıq qauipsizdik pen qorğanıs qabiletin qamtamasız etuşi organ retinde tanuğa” mümkindik beretinin aytqan.

Zañ jobası boyınşa Qauipsizdik keñesi törağasına qauipsizdik keñesin basqaru, otırıstarı men jedel jinalıstarın şaqıru, Qauipsizdik keñes turalı jağdaydı bekitu, sonımen birge zañnamada qarastırılatın özge ökiletterdi jüzege asıru qwqığı berilmek.

Äzirşe konsul'tativti-keñesşi organ statusındağı Qauipsizdik keñesine küş qwrılımdarı, ortalıq jäne jergilikti atqaruşı bilik organdarınıñ jwmısın üylestirip, zañ jobaların taldau men zañdardıñ orındaluın qadağalau funkciyası jüktelgen.

“The Qazaq Times”