Qazaqstannıñ Sırtqı ister ministrligi qırğız tarabı joldağan notağa jauap berdi. Resmi aqparat vedomstvonıñ arnayı saytında jariyalanğan.

Ötken aptada Qırğız Respublikasınıñ diplomattarı Almatı äuejayında bolğan tekseriske narazılıq tanıtıp, bizdiñ elge nota jibergen edi. Olar kedendik baqılau qızmeti qırğız elinen Almatığa saparlap barğan adamdardı jönsiz tekserip, mazaların aldı dep şağımdanğan. Elimizdiñ sırtqı ister ministrligi bwl tekseristiñ josparlı bolğanın aytadı. Özge elderde halıqaralıq terroristik wyımdardıñ qatısuımen bolıp jatqan türli keleñsizdikten saqtanu  üşin, bizdiñ elde qauipsizdik küşeytilgen eken. Äuejay qızmetkerleri şet memleketten kelgen kez kelgen adamnıñ jeke basına qatıstı barlıq aqparattı tıñğılıqtı tekserip jatır. Odan bölek, jükterin de tintude.    

“The Qazaq Times”