Foto: inform.kz

Almatı oblısındağı Şeñgeldi jäne Qırğauıldı auıldarınıñ  aumağında arheologiyalıq qazba jwmıstarı jalğasıp jatır. Oğan jergilikti byudjetten 17 mln teñge bölinipti. Ğalımdar köne qalalardı qazıp, qwndı bwyımdardı izdestirude. Ekspediciyağa 5 mıñnan asa adam jwmılıptı. Alayda oblıs äkimdigi taratqan osı habarlamada Malaysarı asuındağı tañbalı tastar turalı birde-bir mälimet joq.  Soğan qarağanda öñir basşılığı talqandalıp jatqan qış tastardı äli qorğauğa almağan sındı.

Malaysarı silemderindegi tañbalı tastar turalı aqparat ötken jıldıñ jazında jazıla bastadı. Qazir ol aumaqta tas öñdeytin käsiporın jwmıs isteydi. Sol kompaniyanıñ qızmetkerleri qırattağı tasqa qaşap salınğan suretterdi oyıp-opırıp, äli de äketip jatqan körinedi. Auıl belsendileri bwl jwmıs qarqın alar bolsa, qwndı jädigerlerden jaqında ayırılıp qalamız dep wlarday şulasqan edi. Osıdan keyin, oblıs äkimdigi petroglifter salınğan aumaqtı köp wzamay qorşauğa alıp, ğalımdar tobın attandıramız dep uäde bergen. Alayda sol uaqıttan beri eş närse özgermegen.

Malaysarı petroglifteri. Foto: inform.kz

 

Aleksey Mar'yaşev, arheolog. Foto: arheology.kz

Malaysarıda petroglifterdiñ barın alğaş bolıp aymaq jurnalisteri jariya qılğan. Keyin, tanımal arheolog Aleksey Mar'yaşev tañbalı tastar twrğan orınğa barıp, şağın zertteu jürgizdi. Nätijesinde, Arqarlı men Malaysarı silemderinde 20-ğa juıq osınday tastıñ barın anıqtap, ondağı suretter qola jäne temir däuirlerinde salınğan dep boljadı. Maman bwl aumaqtı äli de tereñirek zertteu qajet dep, şağın ekspediciya tobın qwrmaq bolğan. Alayda köp wzamay ömirden ozıp ketti. Osıdan keyin, petroglifter salınğan orınğa eşbir arheolog barıp körmedi.

 

 

Malaysarıdağı petroglifterge el ükimeti moyın bwrmasa, qwndı jädigerler jaqında joyılıp tınadı. Bwl - otandıq tarihqa jasalğan ülken qiyanat bolar edi. Sondıqtan jauaptı mekemeler osı mäseleni nazardan tıs qaldırmasa igi edi...

“The Qazaq Times”