Pentagon basşısı. Foto: Whatsupic.

Pentagonnıñ basşısı Jems Mettis mälimdeme jasap, Qıtaydıñ «Tınıq mwhit şeñberi 2018» attı köp el arasındağı birlesken äskeri oqu-jattığuına şaqıruın keri qaytarğanın ayttı. AQŞ qorğanıs ministri ondağı maqsatın Qıtaydıñ Oñtüstik Qıtay teñizindegi militarizaciyasına alğaşqı adımdağı qarsılıq ekenin jetkizdi. Sonımen birge, atalğan oqu-jattığudıñ negizi men maqsatı Qıtaydıñ minez-qwlqına say emes dep bağaladı. Bwl turalı Pentagonğa silteme jasay otırıp The New York Times basılımı habarladı.

AQŞ qorğanıs ministri Mettis sözinde: «Qwrama Ştat Tınıq mwhit öñirindegi twraqtılıqtı közdeydi, Qıtaymen barlıq saladağı ıntımaqtastıqtı qalaydı. Alayda, aymaqtıq twraqtılıqqa jäne halıqaralıq tärtipke nwqsan keltiretin äreketter bar dep qarasa, AQŞ bwğan qarsı twradı», – dedi.

Pentagon basşısı sözinde Qıtayğa batıra aytıp, eskertuler jasadı. Ol Qıtaydıñ tım dästürşildikke salınıp otırğanın, tarihtıñ özinde de halıqaralıq su jolı sanalatın Oñtüstik Qıtay teñiziniñ militarizaciyağa wşırağanın, AQŞ bwl şındıqqa jauap beretinin atap ötti.

“The Qazaq Times”