پەنتاگون باسشىسى قىتايدىڭ شاقىرۋىنان باس تارتتى ءارى قاتاڭ ەسكەرتۋ جاسادى

پەنتاگوننىڭ باسشىسى جەمس مەتتيس مالىمدەمە جاساپ، قىتايدىڭ «تىنىق مۇحيت شەڭبەرى 2018» اتتى كوپ ەل اراسىنداعى بىرلەسكەن اسكەري وقۋ-جاتتىعۋىنا شاقىرۋىن كەرى قايتارعانىن ايتتى. اقش قورعانىس ءمينيسترى ونداعى ماقساتىن قىتايدىڭ وڭتۇستىك قىتاي تەڭىزىندەگى ميليتاريزاتسياسىنا العاشقى ادىمداعى قارسىلىق ەكەنىن جەتكىزدى. سونىمەن بىرگە، اتالعان وقۋ-جاتتىعۋدىڭ نەگىزى مەن ماقساتى قىتايدىڭ مىنەز-قۇلقىنا ساي ەمەس دەپ باعالادى. بۇل تۋرالى پەنتاگونعا سىلتەمە جاساي وتىرىپ The New York Times باسىلىمى حابارلادى.

اقش قورعانىس ءمينيسترى مەتتيس سوزىندە: «قۇراما شتات تىنىق مۇحيت وڭىرىندەگى تۇراقتىلىقتى كوزدەيدى، قىتايمەن بارلىق سالاداعى ىنتىماقتاستىقتى قالايدى. الايدا، ايماقتىق تۇراقتىلىققا جانە حالىقارالىق تارتىپكە نۇقسان كەلتىرەتىن ارەكەتتەر بار دەپ قاراسا، اقش بۇعان قارسى تۇرادى»، – دەدى.

پەنتاگون باسشىسى سوزىندە قىتايعا باتىرا ايتىپ، ەسكەرتۋلەر جاسادى. ول قىتايدىڭ تىم داستۇرشىلدىككە سالىنىپ وتىرعانىن، تاريحتىڭ وزىندە دە حالىقارالىق سۋ جولى سانالاتىن وڭتۇستىك قىتاي تەڭىزىنىڭ ميليتاريزاتسياعا ۇشىراعانىن، اقش بۇل شىندىققا جاۋاپ بەرەتىنىن اتاپ ءوتتى.

“The Qazaq Times”