Foto: Äyelder qwqığı üşin küresuşi belsendiler. Twitter

Saud-Arabiyasında äyel qwqığı üşin küresuşilerdi twtqındau isi jalğasuda. Ramazan ayınıñ basınan beri on adam qamauğa alındı, dep habarlaydı liberation.fr aqparat agenttigi.

Wstalğandardıñ arasında saudiyalıq oppozicionerlerdiñ qwqıqtarın qorğauşı advokat Ibragim äl-Mudaymi men äyelderdiñ qwqığı üşin küresuşi belsendiler — Ludjayn äl-Haslül men Äziza äl-YUsuf bar. Bwlardıñ barlığı bwdan bwrın da osınday belsendilikteri üşin twtqındalğandar. Halıqaralıq rahımşılıq wyımı (Amnesty International) ökilderiniñ payımdaularınşa, osı twtqındau şaralarına üstimizdegi jıldıñ mausım ayınan bastap äyelderdiñ avtokölik jürgizulerine rwqsat etilui sebep bolğan. Al, saudiyalıq resmi aqparat qwraldarı äyel qwqıqtarı üşin küresuşilerdi «satqın» dep atap, «olar dini qağidalardı ayaq astı etude» dep mälimdedi. Sonımen qatar, olar «şeteldik agenttikterdiñ tıñşıları» bolıp tabıladı äri «sol qızmetteri üşin şeteldik elşilikterden aqşa» aladı dep sanaytındarın jariyaladı. Biliktiñ bwl äreketi äleumettik jelilerde ülken dau tuğızuda. Mäselen, keybir jeli qoldanuşıları hanzada Mwhammed bin Salman jürgizetin reforma sayasattarına qauip töndire me degen mäselede pikir talastıruda. Keybir blogerlerdiñ köbisi bilikti qoldasa, keybiri qamauğa alınğandardıñ dereu bosatıluın talap etude.

“The Qazaq Times”