Human Rights Watch حالىقارالىق ادام قۇقىقتارىن قورعاۋ ۇيىمى 14 ماۋسىمدا ماسكەۋ قالاسىندا وتەتىن 2018 جىلعى فۋتبولدان الەم چەمپيوناتىنىڭ اشىلۋ سالتاناتىنا بايكوت جاريالاۋعا شاقىردى. بۇل تۋرالى سەيسەنبى، 22 مامىر كۇنى اتالعان ۇيىمنىڭ اتقارۋشى ديرەكتورى كەننەت روت ارنايى مالەمدەمە جاسادى، دەپ حابارلايدى dw.com اگەنتتىگى.

«الەم ەلدەرىنىڭ ليدەرلەرى پرەزيدەنت پۋتينگە رەسەيلىك جانە سۇريالىق اسكەرلەردىڭ سۇرياداعى ايۋاني ارەكەتتەرىن توقتاتۋعا قاتىستى ساياساتىن وزگەرتپەيىنشە، فۋتبولدان الەم چەمپيوناتىنىڭ اشىلۋ سالتاناتىنا قاتىسپايتىندىقتارى تۋرالى بەلگى بەرۋلەرى كەرەك»، - دەپ مالىمدەدى روت.

Human Rights Watch ۇيىمىنىڭ ديرەكتورىنىڭ: "رەسەي فۋتبولدان الەم چەمپيوناتىن وتكىزۋ ارقىلى قۇرمەتكە قول جەتكىزىپ، دۇنيەجۇزى حالىقتارىنىڭ جاعىمدى كوزقاراسىنا يە بولماق. الايدا، اتالعان ماتچتى كورۋگە اسىققان ميلليونداعان ادامنىڭ تىلەگىنە قاراماستان، سۇرياداعى بەيبىت تۇرعىنداردىڭ كورىپ جاتقان ازاپتارى دا ۇمىتىلماۋ كەرەك", دەگەن سوزدەرىن مىسالعا كەلتىردى dw.com اگەنتتىگى ك.روتتىڭ مالىمدەمەسىنە سىلتەمە جاساپ.

بۇدان بۇرىن دا، ەۋروپارلامەنتتەگى نەمىس دەپۋتاتى، شىعىس ەۋروپا ماسەلەلەرى جونىندەگى مامان رەبەككا حارمس ەۋروپالىق ەلدەردى رەسەيدە وتەتىن فۋتبولدان الەم چەمپيوناتىنا بارماۋعا ۇندەگەن ەدى. ونىڭ بۇل باستاماسىن ەو-قا مۇشە 16 ەلدىڭ 60 دەپۋتاتى مەن ەۋروپالىق ۇلتتىق پارتيانىڭ ءىرى فراكتسيالارى قولداعان ەدى.

“The Qazaq Times”