Foto: lemonde.fr

BWW-nıñ bas hatşısı Antoniu Guterreş "Hizbullah" şiittik wyımına Livan men özge de elderdegi äskeri äreketterin toqtatudı talap etip, ündeu jasadı. Bwl turalı lemonde.fr agenttigi habarlaydı.

Guterreş, BWW Qauipsizdik Keñesine wsınğan bayandamasında Livandağı qarulı wyım äri sayasi partiya bolıp tabılatın "Hizbullahtı" sınap, wyımnan el işindegi jäne özge de şet memleketterdegi äskeri äreketterin toqtatudı talap etti. BWW bas hatşısı, bwdan bwrın "Hizbullahtıñ" Livandağı azamattıq soğısına nükte qoyudı talap etken Tayf Kelisimşartı men BWW Qauipsizdik Keñesiniñ Livandağı jasaqtardı qarusızdandıruğa nwsqau bergen şeşimin ayaq astı etip, Livannıñ aymaqtıq mäselelerinde beytarap sayasat wstanu qağidasın bwzğanın tilge tiek etti.

Guterreş öz bayandamasında, Livan ükimeti men qarulı küşterin «Hizbullahtıñ jäne özge de barlıq qarulı toptardıñ äreketterine tosqauıl jasauğa» şaqırıp, «Demokratiyalıq elde sayasi bir partiyanıñ eldi soğıs jağdayına aparatın küşke ie boluı äri memlekettiñ demokratiyalıq, äkimşilik wyımdarınıñ aldında eşqanday jauapkerşilikke ie bolmastan jwmıstarın jalğastıruı — alañdatarlıq jağday», - dedi.

  “The Qazaq Times”