فوتو: lemonde.fr

بۇۇ-نىڭ باس حاتشىسى انتونيۋ گۋتەررەش "حيزبۋللاھ" شيتتىك ۇيىمىنا ليۆان مەن وزگە دە ەلدەردەگى اسكەري ارەكەتتەرىن توقتاتۋدى تالاپ ەتىپ، ۇندەۋ جاسادى. بۇل تۋرالى lemonde.fr اگەنتتىگى حابارلايدى.

گۋتەررەش، بۇۇ قاۋىپسىزدىك كەڭەسىنە ۇسىنعان بايانداماسىندا ليۆانداعى قارۋلى ۇيىم ءارى ساياسي پارتيا بولىپ تابىلاتىن "حيزبۋللاھتى" سىناپ، ۇيىمنان ەل ىشىندەگى جانە وزگە دە شەت مەملەكەتتەردەگى اسكەري ارەكەتتەرىن توقتاتۋدى تالاپ ەتتى. بۇۇ باس حاتشىسى، بۇدان بۇرىن "حيزبۋللاھتىڭ" ليۆانداعى ازاماتتىق سوعىسىنا نۇكتە قويۋدى تالاپ ەتكەن تايف كەلىسىمشارتى مەن بۇۇ قاۋىپسىزدىك كەڭەسىنىڭ ليۆانداعى جاساقتاردى قارۋسىزداندىرۋعا نۇسقاۋ بەرگەن شەشىمىن اياق استى ەتىپ، ليۆاننىڭ ايماقتىق ماسەلەلەرىندە بەيتاراپ ساياسات ۇستانۋ قاعيداسىن بۇزعانىن تىلگە تيەك ەتتى.

گۋتەررەش ءوز بايانداماسىندا، ليۆان ۇكىمەتى مەن قارۋلى كۇشتەرىن «حيزبۋللاھتىڭ جانە وزگە دە بارلىق قارۋلى توپتاردىڭ ارەكەتتەرىنە توسقاۋىل جاساۋعا» شاقىرىپ، «دەموكراتيالىق ەلدە ساياسي ءبىر پارتيانىڭ ەلدى سوعىس جاعدايىنا اپاراتىن كۇشكە يە بولۋى ءارى مەملەكەتتىڭ دەموكراتيالىق، اكىمشىلىك ۇيىمدارىنىڭ الدىندا ەشقانداي جاۋاپكەرشىلىككە يە بولماستان جۇمىستارىن جالعاستىرۋى — الاڭداتارلىق جاعداي»، - دەدى.

  “The Qazaq Times”