Foto: lemonde.fr

Keşe tünde policiya formasında kiingen talibandar Auğanstannıñ Farah auılına qaytadan qarulı şabuıl jasadı, dep habarlaydı lemonde.fr.

Äskeriler, äsirese Farahtağı policey bölimşeleri men ortalıq abaqtı ğimarattarına qaru atqan. Qauipsizdik küşteri men wyım müşeleri arasında twtanğan qaqtığıs biraz uaqıtqa jalğasqan.

Sonımen qatar, Auğanstannıñ Bilim ministrligi Farah provinciyasındağı qaqtığısqa baylanıstı onıñ ortalığındağı mektepterdi uaqıtşa jauıp tastağanın mälimdedi. Bwdan bwrın da Taliban müşeleriniñ 12 mamırda Farah provinciyasınıñ ortalığında wyımdastırğan şabuıl kezinde 30 adam qaza tapqan edi.

Provinciya ortalığınıñ bir böligin basıp alğan talibandarğa qarsı bastalğan operaciyada wyımnıñ 200 müşesi öltirilip, qalğan müşeleri keri qaytarılğan.

Alayda bügingi habarlarğa qarağanda, atalğan wyım belsendileri äli qimıl körsetude.

 “The Qazaq Times”