فوتو: lemonde.fr

كەشە تۇندە پوليتسيا فورماسىندا كيىنگەن تاليباندار اۋعانستاننىڭ فاراح اۋىلىنا قايتادان قارۋلى شابۋىل جاسادى، دەپ حابارلايدى lemonde.fr.

اسكەريلەر، اسىرەسە فاراحتاعى پوليتسەي بولىمشەلەرى مەن ورتالىق اباقتى عيماراتتارىنا قارۋ اتقان. قاۋىپسىزدىك كۇشتەرى مەن ۇيىم مۇشەلەرى اراسىندا تۇتانعان قاقتىعىس ءبىراز ۋاقىتقا جالعاسقان.

سونىمەن قاتار، اۋعانستاننىڭ ءبىلىم مينيسترلىگى فاراح پروۆينتسياسىنداعى قاقتىعىسقا بايلانىستى ونىڭ ورتالىعىنداعى مەكتەپتەردى ۋاقىتشا جاۋىپ تاستاعانىن مالىمدەدى. بۇدان بۇرىن دا تاليبان مۇشەلەرىنىڭ 12 مامىردا فاراح پروۆينتسياسىنىڭ ورتالىعىندا ۇيىمداستىرعان شابۋىل كەزىندە 30 ادام قازا تاپقان ەدى.

پروۆينتسيا ورتالىعىنىڭ ءبىر بولىگىن باسىپ العان تاليباندارعا قارسى باستالعان وپەراتسيادا ۇيىمنىڭ 200 مۇشەسى ءولتىرىلىپ، قالعان مۇشەلەرى كەرى قايتارىلعان.

الايدا بۇگىنگى حابارلارعا قاراعاندا، اتالعان ۇيىم بەلسەندىلەرى ءالى قيمىل كورسەتۋدە.

 “The Qazaq Times”