Foto: euronews.com

Resey ükimeti Europa men onıñ demokratiyalıq instituttarına qarsı bağıttalğan «bastı dwşpan». Osılay degen britandıq Qauipsizdik qızmetiniñ (MI5) jetekşisi Endryu Marker, Kreml' basşılığı terroristik toptarğa qoldau körsetedi dep mälimdeme jasadı. Bwl turalı habardı euronews.com agenttigi jariyaladı.

Wlıbritaniya Qauipsizdik qızmeti basşısınıñ osı mälimdemesi arqılı Resey turalı emes, qazirgi tañdağı Resey basşılığı turalı aytqanı tüsinikti. London Mäskeuge Sergey Skripal'dıñ ulanuına qatısı bar jäne himiyalıq şabuıl jasau üşin Süriya biligine qoldau körsetedi dep, kinä artadı. Sonımen qatar, ol «Islam memleketi» tobınıñ talqandalğanına qaramastan, terrorister tarapınan qauiptiñ äli de bar ekenin ayttı.

Endryu Parker, Wlıbritaniya Qauipsizdik Keñesi basşısı:

«Ötken jılı naurız ayında Vestminsterdegi şabuıldan keyin, biz «Islam memleketi» tarapınan dayındıqtarı jürgizilip jatqan 12 terroristik jospardı äşkereledik. Bizdiñ qolımızda sol josparlardıñ barlığınıñ elimizge terrorlıq şabuıldar bolıp qaytıp oralatınan boljam jasay alatınday negiz bar», - dedi.

“The Qazaq Times”