Foto: inform.kz

Jarkent tübinde YAK-12M äue kemesimen bolğan apattı tekseru jwmıstarı ayaqtaldı. Bwl turalı industriya jäne damu ministrligi habarladı. Vedomstvonıñ baspasöz qızmeti taratqan aqparat boyınşa, wşaqtıñ qwlauına - wşqıştıñ tizgindi basqara almay qaluı sebep eken.

Tekseru tobı wşaq apatqa wşıramas bwrın, jerge jaqın biiktikte jäne joğarğı jıldamdıqta wşqanın anıqtadı. Onıñ üstine, wşqış qajet emes manevrlar jasap, äue kemesiniñ oñ qanatın jerge wrıp alğan körinedi. Osınıñ kesirinen şağın wşaq apatqa wşırap, tügi qalmay janıp ketken. Saldarınan tizginde otırğan wşqış Halit Aqberdinov pen 39 jastağı şarua qojalıqtıñ basşısı Mäsimjan Mäsimov köz jwmğan.

Saraptama nätijesinde mamandar tömendegi faktorlar men kemşilikterdi anıqtadı:

- Äue kemesiniñ komandiri wşu aldındağı demalıs kezinde alkagol'di asıra paydalanğan;

- Wşaqqa şamadan tıs jük tielgen;

- Wşaqtı basqaruğa janındağı jolauşınıñ kedergi keltirui (wşaq qwlar kezde ürey qwşqan jolauşı tizginge jarmasuı mümkin).

“The Qazaq Times”