الماتى وبلىسىندا اپاتقا ۇشىراعان ۇشاقتىڭ نە سەبەپتى قۇلاعانى بەلگىلى بولدى

جاركەنت تۇبىندە ياك-12م اۋە كەمەسىمەن بولعان اپاتتى تەكسەرۋ جۇمىستارى اياقتالدى. بۇل تۋرالى يندۋستريا جانە دامۋ مينيسترلىگى حابارلادى. ۆەدومستۆونىڭ ءباسپاسوز قىزمەتى تاراتقان اقپارات بويىنشا، ۇشاقتىڭ قۇلاۋىنا - ۇشقىشتىڭ تىزگىندى باسقارا الماي قالۋى سەبەپ ەكەن.

تەكسەرۋ توبى ۇشاق اپاتقا ۇشىراماس بۇرىن، جەرگە جاقىن بيىكتىكتە جانە جوعارعى جىلدامدىقتا ۇشقانىن انىقتادى. ونىڭ ۇستىنە، ۇشقىش قاجەت ەمەس مانەۆرلار جاساپ، اۋە كەمەسىنىڭ وڭ قاناتىن جەرگە ۇرىپ العان كورىنەدى. وسىنىڭ كەسىرىنەن شاعىن ۇشاق اپاتقا ۇشىراپ، تۇگى قالماي جانىپ كەتكەن. سالدارىنان تىزگىندە وتىرعان ۇشقىش حاليت اقبەردينوۆ پەن 39 جاستاعى شارۋا قوجالىقتىڭ باسشىسى ءماسىمجان ءماسىموۆ كوز جۇمعان.

ساراپتاما ناتيجەسىندە ماماندار تومەندەگى فاكتورلار مەن كەمشىلىكتەردى انىقتادى:

- اۋە كەمەسىنىڭ كومانديرى ۇشۋ الدىنداعى دەمالىس كەزىندە الكاگولدى اسىرا پايدالانعان;

- ۇشاققا شامادان تىس جۇك تيەلگەن;

- ۇشاقتى باسقارۋعا جانىنداعى جولاۋشىنىڭ كەدەرگى كەلتىرۋى (ۇشاق قۇلار كەزدە ۇرەي قۇشقان جولاۋشى تىزگىنگە جارماسۋى مۇمكىن).

“The Qazaq Times”