Robot tank jobası. Foto: youtube.com.

Älemde qorğanıs salasına bölinetin qarajat tağı bir satığa köbeydi. Stokgolm beybitşilikti zertteu institutınıñ körsetken mälimetine qarağanda, dünie jüzi boyınşa qorğanıs salasına bölingen qarajat bıltırğımen salıstırğanda 1,1 payızğa köbeyip, 1 trillion 739 milliard AQŞ dollarına jetken. Bwl turalı «Anadolı» aqparattıq agenttigi habarladı.

Atalğan bayandamada, älemde 9-şı orında twrğan Germaniyanıñ qorğanıs byudjeti 44 mlrd 300 mln dollarğa jetip, 1999 jıldan bergi eñ joğarı şekke jetken. Qorğanıs salasına bölingen byudjet boyınşa 15-şi orındağı Türkiyada 18 mlrd 200 mln AQŞ dolları qorğanıs salasına jwmsaladı.

Bwrınğıday qorğanıs byudjeti boyınşa köş basında Qwrama Ştat twr. AQŞ atalğan salağa 610 mlrd dollar jwmsaydı. AQŞ-tan keyin retimen Qıtay jäne Resey elderi twradı.

Habarğa qarağanda Resey biıl äskeri şığındarğa bölinetin qarajattı 20 payızğa azaytqan.

“The Qazaq Times”