Foto: regnum.ru

Halıqaralıq «Bi-Bi-Si» aqparattıq agenttiginiñ habarlauınşa, Iran prezidenti Hasan Ruhani Tramp pen Makronnıñ Irannıñ yadrolıq bağdarlaması turalı kelissözderine qarsılıq tanıtıp, qatañ mälimdeme jasağan. Iran prezidenti, AQŞ pen onıñ europalıq odaqtastarınıñ jeti taraptıñ qatısuımen jasalğan yadrolıq kelisimşart baptarına özgeris engizu bastamalarınıñ zañdılığına kümänmen qaraytının aytqan.

Esteriñizge sala ketsek, seysenbi küni AQŞ prezidenti Donal'd Tramp pen onıñ franciyalıq äriptesi Emmanuel' Makron 2015 jılğı kelisimşarttıñ baptarına mañızdı tolıqtırular engizuge bağıttalğan «jaña kelisimşart» turalı mämilege keletinderin jariyalağan edi.

AQŞ pen Franciya prezidentteriniñ atalğan bağdarlamağa qatıstı bastamalarına qarsılıq tanıtqan Iran prezidenti Ruhani: «Sizderdiñ sayasatta mwnday täjiribeleriñiz joq! Eşqanday  qwqıqtıq bilimderiñiz de joq. Sizder halıqaralıq kelisimşarttarmen jwmıs istep körmegensizder. Saudager, alıpsatar, qwrılısşı nemese mwnara saluşı adam halıqaralıq ister turalı qalayşa pikir ayta alsın?» , - degen.

Endi AQŞ pen onıñ odaqtastarınıñ mwnday qadamına Resey jağı da qarsılıq tanıtuda. Resey prezidentiniñ baspasöz hatşısı Dmitriy Peskov Mäskeudiñ de bwl kelisimşartqa özgertu engizuin negizsiz dep esepteytinin ayttı. «Resey Irannıñ yadrolıq bağdarlamasınıñ özgerissiz qalğanın qwptaydı. Biz onıñ eşqanday balaması joq esepteymiz. Äri ol barlıq taraptıñ qatısuımen orındalu kerek dep sanaymız» , - dedi Peskov.

“The Qazaq Times”