يران پرەزيدەنتى ترامپتى «ساۋداگەر» دەپ اتادى

حالىقارالىق «بي-بي-سي» اقپاراتتىق اگەنتتىگىنىڭ حابارلاۋىنشا، يران پرەزيدەنتى حاسان رۋحاني ترامپ پەن ماكروننىڭ يراننىڭ يادرولىق باعدارلاماسى تۋرالى كەلىسسوزدەرىنە قارسىلىق تانىتىپ، قاتاڭ مالىمدەمە جاساعان. يران پرەزيدەنتى، اقش پەن ونىڭ ەۋروپالىق وداقتاستارىنىڭ جەتى تاراپتىڭ قاتىسۋىمەن جاسالعان يادرولىق كەلىسىمشارت باپتارىنا وزگەرىس ەنگىزۋ باستامالارىنىڭ زاڭدىلىعىنا كۇمانمەن قارايتىنىن ايتقان.

ەستەرىڭىزگە سالا كەتسەك، سەيسەنبى كۇنى اقش پرەزيدەنتى دونالد ترامپ پەن ونىڭ فرانتسيالىق ارىپتەسى ەممانۋەل ماكرون 2015 جىلعى كەلىسىمشارتتىڭ باپتارىنا ماڭىزدى تولىقتىرۋلار ەنگىزۋگە باعىتتالعان «جاڭا كەلىسىمشارت» تۋرالى مامىلەگە كەلەتىندەرىن جاريالاعان ەدى.

اقش پەن فرانتسيا پرەزيدەنتتەرىنىڭ اتالعان باعدارلاماعا قاتىستى باستامالارىنا قارسىلىق تانىتقان يران پرەزيدەنتى رۋحاني: «سىزدەردىڭ ساياساتتا مۇنداي تاجىريبەلەرىڭىز جوق! ەشقانداي  قۇقىقتىق بىلىمدەرىڭىز دە جوق. سىزدەر حالىقارالىق كەلىسىمشارتتارمەن جۇمىس ىستەپ كورمەگەنسىزدەر. ساۋداگەر، الىپساتار، قۇرىلىسشى نەمەسە مۇنارا سالۋشى ادام حالىقارالىق ىستەر تۋرالى قالايشا پىكىر ايتا السىن؟» ، - دەگەن.

ەندى اقش پەن ونىڭ وداقتاستارىنىڭ مۇنداي قادامىنا رەسەي جاعى دا قارسىلىق تانىتۋدا. رەسەي پرەزيدەنتىنىڭ ءباسپاسوز حاتشىسى دميتري پەسكوۆ ماسكەۋدىڭ دە بۇل كەلىسىمشارتقا وزگەرتۋ ەنگىزۋىن نەگىزسىز دەپ ەسەپتەيتىنىن ايتتى. «رەسەي يراننىڭ يادرولىق باعدارلاماسىنىڭ وزگەرىسسىز قالعانىن قۇپتايدى. ءبىز ونىڭ ەشقانداي بالاماسى جوق ەسەپتەيمىز. ءارى ول بارلىق تاراپتىڭ قاتىسۋىمەن ورىندالۋ كەرەك دەپ سانايمىز» ، - دەدى پەسكوۆ.

“The Qazaq Times”