Pentagon Reseydiñ jalğan aqparat taratqanın sınğa aldı., Foto: Daily Express.

Pentagonnıñ resmi ökili jasağan soñğı mälimdemede, AQŞ, Wlıbritaniya jäne Franciya birlesken Süriyağa qarsı zımıran şabuılınan keyin, Süriya rejiminiñ qaytalay himiyalıq qaru qoldanuğa mümkindigi joq ekenin ayttı. Biraq, ol AQŞ pen onıñ odaqtastarına äli de qırağı bolu kerek ekenin eskertti. Bwl turalı VOA aqparattıq saytı habarladı.

Pentagonnıñ hatşısı Uayt beysenbi küni jurnalisterge jasağan mälimdemesinde: «Süriya prezidenti Asad älemniñ qanday jağdayda da himiyalıq qaru qoldanuğa jol bermeytinin tüsinui kerek. Üş eldiñ birlesken zımıran şabuılınan keyin, Süriyada himiyalıq şabuıl jasauğa eş mümkindik qalmadı. Biraq, AQŞ jäne odaqtas elder äli de qırağı boluı kerek», – dedi.

Pentagon mälimdemeşisi üş eldiñ zımıran şabuılı bastala salısımen Resey tarabınıñ jalğan mälimetterdi taratqanın, sol arqılı jwrttı şatastıratın ayıptadı.  Uayt Resey tarabın  «Arandatu sipatındağı jalğan mälimdemeler tarattı» dep sınğa aldı.

Zımıran şabuıl bolğan küni ertemen jetken jañalıqtardıñ bärinde Süriya ükimetiniñ 13 raketanı atıp tüsirgeni turalı aytılğan. Reseylik aqparat qwraldarınan alınğan informaciyalar tolıqtay osığan wqsas bolğan. Keyin Pentagon mälimdemesinde Süriya rejiminiñ zımıran şabuılına qarsı eş şara jasay almağanın mälimdedi. Süriya qorğanıs jüyesi AQŞ zımırandarın tosıp alğanı nemese zımıran şabuılınıñ nısanağa däl timedi degen mazmwndağı aqparattı Pentagon tarabı teriske şığardı.

“The Qazaq Times”