Resey deputatı: Qazaqstannıñ öz jolı bar jäne olar Reseydiñ sayasatın wstanbaydı

Resey Memlekettik Dumasınıñ deputatı Konstantin Zaytulin: «Qazaqstannıñ öz jolı bar jäne olar Reseydiñ sayasatın wstanbaydı» – dep mälimdedi.

Säuir ayınıñ 14-i küni AQŞ, Wlıbritaniya jäne Franciya qarulı küşteriniñ Süriyağa jasağan äue şabuılınan keyin «Rossiya-1» telearnasında «Voskresnıy veçer s Vladimirom Solov'evım» bağdarlamasında Resey Memlekettik Dumasınıñ TMD, Euraziyalıq integraciya jäne otandastarmen qarım-qatınas komiteti törağasınıñ birinşi orınbasarı Konstantin Zaytulin Süriya mäselesindegi Qazaqstannıñ ornı jöninde pikir bildirdi. Onda ol: «Eger Qazaqstan jöninde äñgime qozğaytın bolsaq. Şın mäninde qazir Qazaqstan bayau bolsa da qazaqilandıru sayasatın jürgizip keledi. 1991 jılğa deyin Qazaqstanda orıstar sanı köp bolğan. Biraq qazir jağday basqa. Olardıñ sanı qazir kersinşe az. Qazaqstan äu basta Ukrainamen salıstırğanda özgeşe jol tañdağan. Ol Reseymen dostıq qarım-qatınas ornatu arqılı öziniñ işki sayasatına aralastırmaudı qaladı. Resey özin solay wstadı. Qazir Qazaqstanda bolıp jatqan jağdaylar «basşınıñ qartayuımen» baylanıstı. Biz Özbekstanda ne bolğanın bilemiz. Onda barlığı tınış ötkenimen Islam Kärimovtıñ otbası bilik tetikterinen alastatıldı. Onıñ ülken qızı tiri me, öli me äli künge deyin belgisiz. Nazarbaev däl osınday jağday bolğanın qalamaydı. Bwğan deyin AQŞ-ta Samwrıq Qazına wlttıq qorınıñ 40 payız qarjısı bwğattalğan bolatın. Jeltoqsan ayında Nazarbaev AQŞ-qa barıp Aq üy äkimşiligimen kezdesken. Osıdan keyin Qazaqstan qarjısı bwğattan şığarılğan. Alayda osı jerde ayta ketetin bir jayt bar, Nazarbaev osıdan keyin Reseyge kelip, öz qadamdarın tüsindirgendey bolğan. Biraq qarjı bwğatınan bölek belgili bir kelissözder bolğan siyaqtı. Qazaqstannıñ halıqaralıq arenada öziniñ jolı bar jäne olar Reseydiñ sayasatın wstanbaydı» - degen.

“The Qazaq Times”