Ballistikalıq zımıran. Foto: trt.net

AQŞ Irannıñ orta ğaşıqtıqta atatın ballistikalıq zımıran sınağın jasağanın mälimdedi. Bwl retki sınaq Tehrannan 200 şaqırım qaşıqtıqtağı Semnan qalası mañında jasalğan. Uaşingtonnıñ habarına qarağanda osıdan bwrınğı sınaq 2016 jılı mausımda bolğan. Bwl turalı Türkiya aqparat agenttigi habarlap otır. 

Iran Semnan qalası. Foto: maps.google.com

Aqüy mälimdemeşisi Şon Spayser bwl turalı aşıp jarıp mälimet bermedi. Alayda, BWW-nıñ joğarğı keñesi Irannıñ bwl retki sınağınan keyin jedel jinalıs aşuğa şeşim jasağan. Esteriñizde bolsa, BWW Qauipsizdik Keñesi 2015 jılı Irannıñ 8 jıl boyı atom qaruın tasımaldaytın ballistikalıq zımırandı damıtuğa  tiim salğan bolatın.

Bwl Iran atom mäselesiniñ tağı da dau-damayğa wlasatının bildirip otır. Irannıñ yadronı damıtu isin BWW Qauipsizdik Keñesi qattı qadağalauğa alğan. Irannıñ bwrınğı prezidenti Ahmadinejad bilikten ketkenge deyin, Irannıñ yadro isi Orta-Şığıstağı qayşılıqqa tolı halıqaralıq mäsele bolıp kelgen. 2013 jılı bilikke kelgen Hassan Rouhani diplomatiyalıq kelisimder arqılı Europa men AQŞ-tıñ Iranğa qaratqan sankciyalarınıñ betin qaytarğan bolatın. Hassan Rouhani prezident bolğalı Iran qayşılığı birtindep bäseyip, yadrolıq soğıstıñ qauipti közi retinde Soltüstik Koreya atalıp keldi.

Bwl retki ballistikalıq zımıran sınağı AQŞ pen BWW-nıñ bastı nazarına ilindi. Parsı şığanağı men Ormuz bwğazındağı mwnay tasılmal jolınıñ qauipsizdigi üşin, Europa elderi de bwrınğıday Irannıñ yadronı damıtuına qarsı, AQŞ-tıñ sözin söyleui mümkin. Kreml' bolsa Tramptıñ telefonın qabıldağannan keyin, äuelgidey Irandı iştey qolday qoya ma, joq – onı aldağı jıldardıñ geosayasi auqımı körsetedi.

Jaqında Iran prezidenti Hassan Rouhani nauırız ayında Reseyge saparlay baudı josparlap otırğanı mälim boldı. Resey men Iran keybir halıqaralıq mañızdı problemalarda bir-birin jaqtap şığatın kezderi köp. Bwl selbestikke Orta-Şığıs mäselelerinde Europan men AQŞ-qa qarsı twru üşin ekeui de birdey müddeli.

“The Qazaq Times”