يران تاعى دا بالليستيكالىق زىمىران سىناعىن جاسادى

اقش يراننىڭ ورتا عاشىقتىقتا اتاتىن بالليستيكالىق زىمىران سىناعىن جاساعانىن مالىمدەدى. بۇل رەتكى سىناق تەھراننان 200 شاقىرىم قاشىقتىقتاعى سەمنان قالاسى ماڭىندا جاسالعان. ۋاشينگتوننىڭ حابارىنا قاراعاندا وسىدان بۇرىنعى سىناق 2016 جىلى ماۋسىمدا بولعان. بۇل تۋرالى تۇركيا اقپارات اگەنتتىگى حابارلاپ وتىر. 

يران سەمنان قالاسى. فوتو: maps.google.com

اقۇي مالىمدەمەشىسى شون سپايسەر بۇل تۋرالى اشىپ جارىپ مالىمەت بەرمەدى. الايدا، بۇۇ-نىڭ جوعارعى كەڭەسى يراننىڭ بۇل رەتكى سىناعىنان كەيىن جەدەل جينالىس اشۋعا شەشىم جاساعان. ەستەرىڭىزدە بولسا، بۇۇ قاۋىپسىزدىك كەڭەسى 2015 جىلى يراننىڭ 8 جىل بويى اتوم قارۋىن تاسىمالدايتىن بالليستيكالىق زىمىراندى دامىتۋعا  ءتيىم سالعان بولاتىن.

بۇل يران اتوم ماسەلەسىنىڭ تاعى دا داۋ-دامايعا ۇلاساتىنىن ءبىلدىرىپ وتىر. يراننىڭ يادرونى دامىتۋ ءىسىن بۇۇ قاۋىپسىزدىك كەڭەسى قاتتى قاداعالاۋعا العان. يراننىڭ بۇرىنعى پرەزيدەنتى احمادينەجاد بيلىكتەن كەتكەنگە دەيىن، يراننىڭ يادرو ءىسى ورتا-شىعىستاعى قايشىلىققا تولى حالىقارالىق ماسەلە بولىپ كەلگەن. 2013 جىلى بيلىككە كەلگەن حاسسان روۋحاني ديپلوماتيالىق كەلىسىمدەر ارقىلى ەۋروپا مەن اقش-تىڭ يرانعا قاراتقان سانكتسيالارىنىڭ بەتىن قايتارعان بولاتىن. حاسسان روۋحاني پرەزيدەنت بولعالى يران قايشىلىعى بىرتىندەپ باسەيىپ، يادرولىق سوعىستىڭ قاۋىپتى كوزى رەتىندە سولتۇستىك كورەيا اتالىپ كەلدى.

بۇل رەتكى بالليستيكالىق زىمىران سىناعى اقش پەن بۇۇ-نىڭ باستى نازارىنا ءىلىندى. پارسى شىعاناعى مەن ورمۋز بۇعازىنداعى مۇناي تاسىلمال جولىنىڭ قاۋىپسىزدىگى ءۇشىن، ەۋروپا ەلدەرى دە بۇرىنعىداي يراننىڭ يادرونى دامىتۋىنا قارسى، اقش-تىڭ ءسوزىن سويلەۋى مۇمكىن. كرەمل بولسا ترامپتىڭ تەلەفونىن قابىلداعاننان كەيىن، اۋەلگىدەي يراندى ىشتەي قولداي قويا ما، جوق – ونى الداعى جىلداردىڭ گەوساياسي اۋقىمى كورسەتەدى.

جاقىندا يران پرەزيدەنتى حاسسان روۋحاني ناۋىرىز ايىندا رەسەيگە ساپارلاي باۋدى جوسپارلاپ وتىرعانى ءمالىم بولدى. رەسەي مەن يران كەيبىر حالىقارالىق ماڭىزدى پروبلەمالاردا ءبىر-ءبىرىن جاقتاپ شىعاتىن كەزدەرى كوپ. بۇل سەلبەستىككە ورتا-شىعىس ماسەلەلەرىندە ەۋروپان مەن اقش-قا قارسى تۇرۋ ءۇشىن ەكەۋى دە بىردەي مۇددەلى.

“The Qazaq Times”