Foto: interfaks

«Interfaks» agenttiginiñ habarlauınşa, 2017 jılı älemdegi tabiği apattardıñ saldarınan qaza tapqandardıñ sanı aldıñğı jıldarmen salıstırğanda azıraq bolğan. Alayda, kerisinşe sol apattardıñ materialdıq şığındarı öte köp körinedi.

Ötken jılı su tasqındarı men dauıldar, köşkinder men basqa da tabiği apattardıñ kesirinen 9 503 adam qaza tapqan. Luven universitetiniñ epidemiologiyalıq apattardı zertteu ortalığınıñ (CRED) 9 säuirde jariyalağan mälimetinşe, bwl körsetkiş 2007 jäne 2016 jıldarğa qarağanda eleuli türde az. Mäselen, 2010 jılı Gaitida bolğan jer silkinisi kezinde 225,5 mıñ adam köz jwmğan. 2008 jılğı M'yanmadağı ciklon 138, 4 mıñ adamnıñ ömirin jalmağan.

2017 jılğı tabiği apattardıñ köpşiligi Aziyada orın alıptı — 136 (älemdegi barlıq apattıñ 43%-ı) apat. Olardıñ 25-i Qıtayda orın alğan, al onda 15 mln. adam jaraqattanğan. Ündistandağı 15 tabiği apattıñ saldarınan 2,3 mıñ adam ajal qwşqan. Sonımen qatar, 22,5 mln. adam ziyan şekken.

2017 jılı orın alğan tabiği apat saldarınan qaza tapqandardıñ sanı aldıñğı jıldarmen salıstırğanda tömen degenmen de, bwl jıl materialdıq şığındarı boyınşa 1900 jıldan keyingi ekinşi orında eken. CRED  zertteuşileri 96 mln. adam japa şekken barlığı 315 tabiği apattan üş dauıldı erekşe atağan. Olar — «Harvi», «Irma» jäne «Mariya». 2017 jıldıñ tamız jäne qırküyek aylarında Karib hauızımen AQŞ jağalauına deyin jetken. Olardıñ kesirinen bolğan şığın  $95 mlrd., $66 mlrd. jäne $69 mlrd. -qa bağalanğan. Al jalpı, 2017 jılğı tabiği apattar saldarınan bolğan şığın kölemi $314 mlrd qwraydı eken.

“The Qazaq Times”