فوتو: ينتەرفاكس

«ينتەرفاكس» اگەنتتىگىنىڭ حابارلاۋىنشا، 2017 جىلى الەمدەگى تابيعي اپاتتاردىڭ سالدارىنان قازا تاپقانداردىڭ سانى الدىڭعى جىلدارمەن سالىستىرعاندا ازىراق بولعان. الايدا، كەرىسىنشە سول اپاتتاردىڭ ماتەريالدىق شىعىندارى وتە كوپ كورىنەدى.

وتكەن جىلى سۋ تاسقىندارى مەن داۋىلدار، كوشكىندەر مەن باسقا دا تابيعي اپاتتاردىڭ كەسىرىنەن 9 503 ادام قازا تاپقان. لۋۆەن ۋنيۆەرسيتەتىنىڭ ەپيدەميولوگيالىق اپاتتاردى زەرتتەۋ ورتالىعىنىڭ (CRED) 9 ساۋىردە جاريالاعان مالىمەتىنشە، بۇل كورسەتكىش 2007 جانە 2016 جىلدارعا قاراعاندا ەلەۋلى تۇردە از. ماسەلەن، 2010 جىلى گايتيدا بولعان جەر سىلكىنىسى كەزىندە 225,5 مىڭ ادام كوز جۇمعان. 2008 جىلعى ميانماداعى تسيكلون 138, 4 مىڭ ادامنىڭ ءومىرىن جالماعان.

2017 جىلعى تابيعي اپاتتاردىڭ كوپشىلىگى ازيادا ورىن الىپتى — 136 (الەمدەگى بارلىق اپاتتىڭ 43%-ى) اپات. ولاردىڭ 25-ءى قىتايدا ورىن العان، ال وندا 15 ملن. ادام جاراقاتتانعان. ۇندىستانداعى 15 تابيعي اپاتتىڭ سالدارىنان 2,3 مىڭ ادام اجال قۇشقان. سونىمەن قاتار، 22,5 ملن. ادام زيان شەككەن.

2017 جىلى ورىن العان تابيعي اپات سالدارىنان قازا تاپقانداردىڭ سانى الدىڭعى جىلدارمەن سالىستىرعاندا تومەن دەگەنمەن دە، بۇل جىل ماتەريالدىق شىعىندارى بويىنشا 1900 جىلدان كەيىنگى ەكىنشى ورىندا ەكەن. CRED  زەرتتەۋشىلەرى 96 ملن. ادام جاپا شەككەن بارلىعى 315 تابيعي اپاتتان ءۇش داۋىلدى ەرەكشە اتاعان. ولار — «حارۆي»، «يرما» جانە «ماريا». 2017 جىلدىڭ تامىز جانە قىركۇيەك ايلارىندا كاريب حاۋىزىمەن اقش جاعالاۋىنا دەيىن جەتكەن. ولاردىڭ كەسىرىنەن بولعان شىعىن  $95 ملرد.، $66 ملرد. جانە $69 ملرد. -قا باعالانعان. ال جالپى، 2017 جىلعى تابيعي اپاتتار سالدارىنان بولعان شىعىن كولەمى $314 ملرد قۇرايدى ەكەن.

“The Qazaq Times”