Türkiya men Resey basşılarınıñ kezdesui. Foto: Anadolı.

Batıs elderiniñ diplomatiyalıq qısımında qalğan Resey basşısınıñ Ankara saparı öñirde jäne Batıs düniesinde birqatar sözge tiek boldı. Keşe keşte Kreml' mälimdemeşisi Dmitriy Peskov jasağan mälimdemede: «Eki el basşısı auılşaruaşılığı salasındağı ıntımaqtastıqtı jäne ekijaqtı jıldam damıp kele jatqan sauda-ekonomika mäselelerin talqıladı», – delingen.

Mäskeu tarabınıñ mälimdemesinde aytılmağanımen, eki basşı arasındağı kezdesude öñirdegi mañızdı sayasi şeşimder, äskeri qaru-jaraq satu-satıp alu mäseleleri talqılanatın Ankaranıñ aldın ala bergen mälimetinde körsetilgen bolatın.  "Anadolı" aqparattıq agenttiginiñ habarında, EO men NATO elderin alañdatıp otırğan reseylik S-400 zımıran qorğanıs jüyesin ötkizip alu isteriniñ de söz bolatının aytqan bolatın.

Täuelsiz sarapşılardıñ pikirine qarağanda, bwl kezdesu Erdoğannan köri, Putinge köbirek paydalı bolmaq. Bwl kezdesu arqılı Erdoğan batıs elderine qır körsetse, Putin «menen de bet bwrmağan Batıs eli bar» degendi däleldedi. Al, Türkiya, Iran jäne Resey basşılarınıñ kezdesuinde Süriya taqırıbı bastı orınğa qoyıldı.

“The Qazaq Times”