ەردوعان مەن پۋتيننىڭ كەزدەسۋى باتىسقا نەنى ۇعىندىردى؟

باتىس ەلدەرىنىڭ ديپلوماتيالىق قىسىمىندا قالعان رەسەي باسشىسىنىڭ انكارا ساپارى وڭىردە جانە باتىس دۇنيەسىندە بىرقاتار سوزگە تيەك بولدى. كەشە كەشتە كرەمل مالىمدەمەشىسى دميتري پەسكوۆ جاساعان مالىمدەمەدە: «ەكى ەل باسشىسى اۋىلشارۋاشىلىعى سالاسىنداعى ىنتىماقتاستىقتى جانە ەكىجاقتى جىلدام دامىپ كەلە جاتقان ساۋدا-ەكونوميكا ماسەلەلەرىن تالقىلادى»، – دەلىنگەن.

ماسكەۋ تارابىنىڭ مالىمدەمەسىندە ايتىلماعانىمەن، ەكى باسشى اراسىنداعى كەزدەسۋدە وڭىردەگى ماڭىزدى ساياسي شەشىمدەر، اسكەري قارۋ-جاراق ساتۋ-ساتىپ الۋ ماسەلەلەرى تالقىلاناتىن انكارانىڭ الدىن الا بەرگەن مالىمەتىندە كورسەتىلگەن بولاتىن.  "انادولى" اقپاراتتىق اگەنتتىگىنىڭ حابارىندا، ەو مەن ناتو ەلدەرىن الاڭداتىپ وتىرعان رەسەيلىك S-400 زىمىران قورعانىس جۇيەسىن وتكىزىپ الۋ ىستەرىنىڭ دە ءسوز بولاتىنىن ايتقان بولاتىن.

تاۋەلسىز ساراپشىلاردىڭ پىكىرىنە قاراعاندا، بۇل كەزدەسۋ ەردوعاننان كورى، پۋتينگە كوبىرەك پايدالى بولماق. بۇل كەزدەسۋ ارقىلى ەردوعان باتىس ەلدەرىنە قىر كورسەتسە، پۋتين «مەنەن دە بەت بۇرماعان باتىس ەلى بار» دەگەندى دالەلدەدى. ال، تۇركيا، يران جانە رەسەي باسشىلارىنىڭ كەزدەسۋىندە ءسۇريا تاقىرىبى باستى ورىنعا قويىلدى.

“The Qazaq Times”