Şabuıl jasağan äyel Nasim Agdam. Foto: worldbulletin.net

AQŞ policeyleri Kaliforniya ştatına qarastı San-Bruno qalasındağı "You Tube" ştab-päterine şabuıl jasağan adamnıñ 39 jastağı Nasim Agdam ekenin jariyaladı. Onıñ kim ekenin, osı qılmıstı jasauına ne itermelegenin, onıñ artında kimderdiñ twrğanın anıqtauğa kirisken AQŞ aqparat qwraldarı äleumettik jeli arqılı zertteuler jürgizgen.

Olar Agdamğa tiesili 2009 jılı wyımdastırılğan jäne üy hayuandarınıñ äskeri jattığular üşin paydalanuına qarsılıq körsetken beynejazbadan suretter jariyaladı. Agdamnıñ instagram jelisindegi eki bölek paraqşasında barlığı 71 mıñ 100 oqırmanı bar eken. Al feysbuktağı oqırmandar sanı 1.695-ke juıq.

Oqiğadan keyin özin-özi atıp tastağanı turalı habarlanğan äyel, äleumettik jelide köbinese ağılşın, parsı jäne türik tilderinde älemdik deñgeydegi tanımal iri äleumettik jelilerdi sınağan. "You Tube" jäne "Instagram" siyaqtı türli äleumettik jelide öz paraqşaları bar Agdamnıñ vegetarian ekeni, sonımen qatar adam qwqıqtarı jönindegi mäselede asa belsendi bolğanı nazar audartadı. Agdam, eñ iri äleumettik jelisin özine tiesili "You Tube" kanalında jasağan beynejazbasına şekteu jasaladı dep sınağan. Ol bir jazbasında: "You Tube bolsın, basqa jelilerdegi jazba nemese beynejazbalar bolsın teñ därejede öñdelip, şığarılmaydı. Sizdiñ beynejazbalarıñız tek olar qalasa ğana jariyalanadı" degen.

“The Qazaq Times”