Foto: timeturk.com

Türkiya prezidenti Rejep Tayıp Erdoğan men Resey basşısı Vladimir Putinniñ bügin, yağni 3-säuirde Ankarada resmi kezdesu ötkizetinin bwdan bwrın da habarlağanbız.  4-säuirde Iran basşısı Hasan Ruhanimen de kezdesuleri josparlanğan Putin men Erdoğannıñ osı jiınnan bir kün bwrın  kezdeskende ne talqılaytındarı köpşilikti qızıqtırğanı ras.

Osığan baylanıstı "Twitter" äleumettik jelisinde jazbamen bölisken Erdoğan: "Resey prezidenti, qwrmetti dosım Vladimir Putinmen birge Türkiya men türik-orıs qarım-qatınasınıñ keleşegi üşin mañızdı qadam bolıp sanalatın 20 mlrd. dollarlıq investiciya "Akkuyu" atom elektr stanciyasınıñ negizin qalaymız", - dedi.

Negizinde, "Akkuyu" atom elektr stanciyası üşin ükimetaralıq kelisimşartqa 2010 jılı qol qoyılğan edi. Elektr stanciyasınıñ birinşi reaktorı 2023 jılı iske qosıladı dep josparlanuda. Al basqa reaktorlardıñ arağa birneşe jıl salıp iske qosılatını belgili.

Osılayşa, ärbiriniñ sıyımdılığı 200 mıñ MVt (Mega Vatt) bolatın 4 reaktordan twratın elektr stanciyasınıñ 2026 jılı tolıqtay ayaqtalatını közdelude. Şamamen 20 mlrd. dollar jwmsalatın osı jobanıñ Türkiyanıñ bükil elektr energiya qajettiliginiñ 7.7 payızın qamtitını josparlanuda.

“The Qazaq Times”