Foto: sputniknews.com

AQŞ pen Qıtay siyaqtı älemdik ekonomikanıñ köşin bastauşı elder sauda soğısı mäselesine qatıstı ortaq mämilege kele almay jatqanda Afrika elderi qwrlıqtı birlesken erkin ekonomikalıq aymaqqa aynaldıruğa bağıttalğan tağı bir qadam jasap ülgerdi. Afrika Odağına müşe 44 memlekettiñ "Continental Free Trade Area" (CFTA) attı qwjatqa qol qoyğanı turalı "Deutsche Welle" aqparattıq agenttigi habarladı.
"Continental Free Trade Area"-ğa qol qoyuşı elderdiñ sanı men sol elderdiñ twtas halqın esepke alar bolsaq, bwl birlestik älemdegi eñ iri erkin sauda aymağına aynaluı mümkin. Atalğan mäsele boyınşa kelisimşart eki jıl merzim işinde jürgizilgen. Erkin sauda aymağın jüzege asıru üşin kelisimşartqa qol qoyuşı elderdiñ barlığı onı wlttıq deñgeyde bekitu kerek.
Erkin sauda aymağınıñ sätti türde jüzege asırıluına oğan äzirge qwrlıqtağı Oñtüstik Afrika Respublikası men Nigeriya, sonday-aq AO-ğa müşe äri qwrlıqtağı ekonomikası damığan tağı toğız eldiñ qatıspağandığı sebep boluı mümkin. Sonıñ işinde Nigeriya prezidenti Mwhammed Buhari atalğan kelisimşartqa qol qoymauınıñ sebebin aldımen öz elindegi memlekettik qızmetkerlermen keñesui kerektigimen tüsindirdi.
Bwğan qaramastan Afrika Odağı qwrlıqtağı özge elder atalğan kelisimşartqa säl keyinirek bolsa da qatısadı dep kütude. Eger qwrlıqtağı barlıq 55 el "CFTA" müşesi atanar bolsa, onda bwl älemde işki jalpı önimi eki milliardtan asatın äri 1,2 mlrd. halıqtan twratın birıñğay jaña narıqtıñ payda bolğandığın körsetpek.

“The Qazaq Times”