افريكا ەڭ ءىرى ەركىن ساۋدا ايماعىنا اينالۋى مۇمكىن

اقش پەن قىتاي سياقتى الەمدىك ەكونوميكانىڭ كوشىن باستاۋشى ەلدەر ساۋدا سوعىسى ماسەلەسىنە قاتىستى ورتاق مامىلەگە كەلە الماي جاتقاندا افريكا ەلدەرى قۇرلىقتى بىرلەسكەن ەركىن ەكونوميكالىق ايماققا اينالدىرۋعا باعىتتالعان تاعى ءبىر قادام جاساپ ۇلگەردى. افريكا وداعىنا مۇشە 44 مەملەكەتتىڭ "Continental Free Trade Area" (CFTA) اتتى قۇجاتقا قول قويعانى تۋرالى "Deutsche Welle" اقپاراتتىق اگەنتتىگى حابارلادى.
"Continental Free Trade Area"-عا قول قويۋشى ەلدەردىڭ سانى مەن سول ەلدەردىڭ تۇتاس حالقىن ەسەپكە الار بولساق، بۇل بىرلەستىك الەمدەگى ەڭ ءىرى ەركىن ساۋدا ايماعىنا اينالۋى مۇمكىن. اتالعان ماسەلە بويىنشا كەلىسىمشارت ەكى جىل مەرزىم ىشىندە جۇرگىزىلگەن. ەركىن ساۋدا ايماعىن جۇزەگە اسىرۋ ءۇشىن كەلىسىمشارتقا قول قويۋشى ەلدەردىڭ بارلىعى ونى ۇلتتىق دەڭگەيدە بەكىتۋ كەرەك.
ەركىن ساۋدا ايماعىنىڭ ءساتتى تۇردە جۇزەگە اسىرىلۋىنا وعان ازىرگە قۇرلىقتاعى وڭتۇستىك افريكا رەسپۋبليكاسى مەن نيگەريا، سونداي-اق او-عا مۇشە ءارى قۇرلىقتاعى ەكونوميكاسى دامىعان تاعى توعىز ەلدىڭ قاتىسپاعاندىعى سەبەپ بولۋى مۇمكىن. سونىڭ ىشىندە نيگەريا پرەزيدەنتى مۇحاممەد بۋحاري اتالعان كەلىسىمشارتقا قول قويماۋىنىڭ سەبەبىن الدىمەن ءوز ەلىندەگى مەملەكەتتىك قىزمەتكەرلەرمەن كەڭەسۋى كەرەكتىگىمەن ءتۇسىندىردى.
بۇعان قاراماستان افريكا وداعى قۇرلىقتاعى وزگە ەلدەر اتالعان كەلىسىمشارتقا ءسال كەيىنىرەك بولسا دا قاتىسادى دەپ كۇتۋدە. ەگەر قۇرلىقتاعى بارلىق 55 ەل "CFTA" مۇشەسى اتانار بولسا، وندا بۇل الەمدە ىشكى جالپى ءونىمى ەكى ميللياردتان اساتىن ءارى 1,2 ملرد. حالىقتان تۇراتىن بىرىڭعاي جاڭا نارىقتىڭ پايدا بولعاندىعىن كورسەتپەك.

“The Qazaq Times”