Reseylik "Kinjal". Foto: BBC.

Resey Qorğanıs ministrligi eki kün bwrın jasağan mälimdemesinde, «giper jıldamdıqta» wşatın zımırandı sätti sınaqtan ötkizgenin mälimdedi. Mälimetterge qarağanda, bwl zımırannıñ jıldamdığı dıbıstıñ taralu jıldamdığınan 10 ese tez. Osıdan bwrın RF prezidenti Putin älemniñ kez-kelgen nüktesine şabuıl jasay alatın jäne äue qorğanısı tosıp qala almaytın yadrolıq qarudı sätti türde jetildirgenderin aytqan edi.

Resey Qorğanıs ministrliginiñ videosın jariyalağan, äri zımırannıñ közdegen nısanağa däl tigenin aytqan. Putin naurızdıñ bas şeninde «Qanjar»  (Krinjal) raketası turalı aytqan sözinde, elde zımırandardıñ «jaña wrpaqtarı» jasalıp şıqqanın mälimdegen edi. Ekspertterdiñ aytuınşa, «Qanjar» bwrınğı «Erskendir» zımıranınıñ jañartılğan ülgisi. Ol ğalamşardıñ kez-kelgen nüktesine radarğa tüspey twrıp şabuıl jasay aladı delingen.

«MiG-31» äskeri wşağınan atılğan zımıran. Foto: BBC.

Bwğan deyin Resey prezidenti AQŞ-tıñ zımıranğa qarsı qorğanıs jüyesin Europa jerine ornatu turalı josparına qarsılıq tanıtqan edi. Al, bwl jolı Resey öndirgen «Qanjardı» amerikalıq «Saad» qorğanıs jüyesi wstap qala almaytının bildirip otır. AQŞ tarabı bolsa zımıranğa qarsı qorğanıs jüyeleri Reseyge bağıttalmağanın aytadı.

Qazir älemdegi eñ kemeldi qorğanıs jüyesi retinde amerikalıq "Thaad" pen reseylik "S-400"-di aytuğa boladı. Reseydiñ jaña zımırandarı bwl qorğanıs jüyeleriniñ äleuetinen asıp tüsken bolsa, aldağı uaqıtta eki eldiñ de äue qorğanıs salasın jarısa jetildiretinin anıq. Derjavalar arasındağı bäseke toqtap qalmasa, "Qanjardı" da qwrıqtaytın äue qorğanıs jüyesi de köp ötpey payda boluı ğajap emes.

“The Qazaq Times”