Ötken senbide, AQŞ pen Resey prezidentteri telefon arqılı tildesti. Bir sağatqa sozılğan tildesude Donald Tramp pen Vladimir Putin eki el qarım-qatınasın qalpına keltiruge senim bildirisip, AQŞ-Resey diplomatiyasınıñ jaña kezeñin aştı.  Bwl aqparattı The New York Times habarlağan edi.

Tildesken eki tarap terrorizmge qarsı twru men ekonomikalıq selbestikti keñeytu jöninde keñesti. Alayda, Ukraina qayşılığı jayında eki jaq ortaq pikirge kele almağan. Sonımen qatar, eki eldegi şendilerdiñ aytısına qarağanda, AQŞ-tıñ Reseyge bağıttağan sankciyasın alıp tastau turalı talqı bolmağan. 2014 jılı Reseydiñ Qırım aymağın annekciyalauı, Ukrainanıñ şığısındağı separatistik soğıstı qoldauı, AQŞ-Resey arasın derlik jaña qırği-qabaq qarım-qatınasqa alıp keldi.

Habarlamağa negizdelgende, Tramp pen Putinnıñ tildesui aytarlıqtay sätti ötken. Prezident Obama twsında AQŞ-Resey qatınası qayşılıqtı küyge ötken bolatın. Tramp bwl jağdaydı oñauğa tırısadı. Eki el prezidentteriniñ wzaq äri bayandı swhbattasuı, eki eldiñ qarım-qatınasındağı jaña bastamağa balanıp otır. Dialogtan keyin AQŞ-Resey ıntımaqtastığı jüzege asadı dep otır. Bwl Tramp taqqa otırğannan beri alğaş ret Resey basşısına qoñırau şalıp söylesui.

Bwdan bwrınğı Qwrama Ştattar men Resey arasındağı şielenisti jağdaylardı eske alğanda, eki el qatınasınıñ aytarlıqtay uşığıp twrğanı anıq edi. Aytalıq, AQŞ Qauipsizdik jäne barlau organı äldeqaşan qorıtındı şığarıp, Resey hakerlik şabuıldar jäne basqa da ügit qwraldarı arqılı Tramptıñ jeñisine belgili därejede septigin tigizdi degen bolatın. Birneşe retki mälimdemeden keyin, bwl şeşimge aqırı, sol kezdegi prezidentke bastı ümitker Tramp kelisken edi. Barlau agentteri jäne de Obama men Trampqa Reseydiñ kompromat materiyaldardı wstap otırğanın da mälimdegen. Kreml' jaq onı «fantaziyalıq äñgime» degen bolatın. Sonımen qatar, Europa men AQŞ Reseydiñ Ukrainadağı isterine qarsı bolıp, sankciya jariyaladı. Obama qızmetten ketpes bwrın, reseylik 35 diplomattı Qwrama Ştattardan qualap, Reseyge jariyalanğan sakciyanı küşeytti. Sol arqılı AQŞ prezident saylauına aralasqan Reseyden kek alğan edi.

Osı jağdayattardıñ bäri bir qoñıraumen şeşilip ketpese de, AQŞ pen Resey qatınasınıñ jaña beynesi qalıptasatın türi bar. Osınıñ özi Tramptıñ prezidenttiginen bwrın jasağan boljamdarımızdıñ dwrıstığın rastap otır. Alayda, dialog barısında Reseyge qaratqan sankciyalardı alıp tastau isi söz bolmağan. Biraq, bwğan orıs şendileri: «Prezidentter dialogında keñeytilgen sauda-ekonomikalıq qatınas ornatu isi söz boldı, bwl sankciyanıñ alınıp tastalatının bildiredi», – dep ümittenedi.

“The Qazaq Times”