Italiyadağı Liga Partiyasınıñ köşbasşısı Matteo Sal'vini. Foto: Vestnik Kavkaza

Birneşe jıldan beri separatistik piğıldarımen jäne Soltüstik Liga atımen tanımal Italiyanıñ Liga partiyası (Lega) saylaudan keyingi tarihi jeñisin toylauda.

Atalğan partiyanıñ parlament saylauında eñ köp dauıs jinap, oq boyı ozıq twruı partiya köşbasşısı Matteo Sal'vinidiñ prem'er-ministr lauazımına bir qadam jaqındauına sebep bolğanı anıq.

Europa Odağına  qırın közqarastağı Sal'vini: "Italiyağa qatıstı şeşimder Berlindi, Parijdi nemese Bryuyussel'di emes, Italiya halqın ğana tolğandıradı" - dep odaqqa tağı bir "sälemdeme" joldadı.

Aqiqatında, Bryussel'diñ de Sal'vinidiñ jetekşiligindegi ükimetke sonşalıqtı jılı qabaq tanıtpaytını anıq. Partiya lideri bolsa, Bryussel'de äldebireulerdiñ portfel'derin jinap, keñselerin bosatuğa mäjbür bolatındarın aytuda. Al Italiyanıñ aqparat qwraldarınıñ habarlauınşa, mwnday "scenariydiñ" auılı äli alıs.

"Respublika" (La Repubblica) aqparat qwralınıñ qızmetkeri P'ero Kolapriko, Sal'vinidiñ soñğı mälimetterine qatıstı: "Sal'vinidiñ aytqan sözderi qarjılıq dağdarıstan keyingi N'yu-Yorktegi sapırılısıp, äri-säri küyde qalğan qarjıgerlerdi eske tüsiredi. Alayda, Europada äldekimderdiñ keñselerin tastap ketetuine mäjbür etetindey deñgeydegi sayasi nemese äleumettik dağdarıs äzirge joq", - dedi.

 

Sonımen qatar, EO-nıñ Italiya biligi Europağa qarsı oppoziciyağa erkindik berip qoymaytınınan ümittenetinin, tipti bwl mäselege qatıstı Italiya prezidenti Serdjo Mattarellağa senim artıp otırğanın aytqan keybir sayasatkerler: "Sayasat sahnasında bäskelestik äli de jalğasuda. Soñı ne boların boljau mümkin emes. Degenmen, osığan qaramastan EO prezident Mattarellanıñ twraqtı ükimet qwratınına asa senimdi", - dep payımdaydı.

Ayta ketu kerek, Italiyada 4 naurız küni parlament saylauı ötken bolatın.

“The Qazaq Times”