فوتو: قازاق ءۇنى

2018 جىلى توتەنشە جاعدايلار ءۇشىن رەسپۋبليكالىق بيۋدجەتتەن بولىنەتىن قارجى كولەمى 121,10 ملرد تەڭگەنى قۇرايدى. بيىل جالپى شىعىندارعا رەسپۋبليكالىق بيۋدجەتتەن 8,96 ترلن تەڭگە بولىنگەن.

"ادىلەت" نورماتيۆتىك قۇقىقتىق اكتىلەرىنىڭ اقپاراتتىق-قۇقىقتىق جۇيەسىندە جاريالانعان "2018 - 2020 جىلدارعا ارنالعان رەسپۋبليكالىق بيۋدجەت تۋرالى" زاڭ بويىنشا الداعى ءۇش جىلدا توتەنشە جاعدايلار ءۇشىن 357,57 ملرد تەڭگە جۇمسالۋى مۇمكىن.

توتەنشە جاعدايلارعا بولىنگەن شىعىن كولەمى بيىل كوپ بولعانمەن، 2019 جىلى  118,44 ملرد تەڭگەگە دەيىن (جالپى بيۋدجەت شىعىنى - 9,54 ترلن تەڭگە) جانە 2020 جىلى 118,03 ملرد تەڭگەگە دەيىن تومەندەيدى.

سونىمەن جالپى توتەنشە جاعدايلار بويىنشا ەڭ كوپ قاراجات قوعامدىق ءتارتىپتى قورعاۋ جانە قوعامدىق قاۋىپسىزدىكتى قامتاماسىز ەتۋ، قىلمىستىق-اتقارۋ جۇيەسى، تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ جانە ولاردى جويۋ سالاسىنداعى مەملەكەتتىك ساياساتتى ايقىنداۋ جانە ونىڭ ىسكە اسىرىلۋىن ۇيىمداستىرۋ جونىندەگى قىزمەتتەرگە بولىنگەن -  70,28 ملرد  تەڭگە. 2019 جىلى بۇل كورسەتكىش 70,27 ملرد تەڭگەنى، 2020 جىلى 70,39 ملرد تەڭگەنى قۇرايتىن بولادى.

ال 45,64 ملرد تەڭگە "تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ جانە جويۋ سالاسىنداعى قىزمەتتى ۇيىمداستىرۋعا" ءبولىندى (2019 جىلى - 42,99 ملرد تەڭگە، 2020 جىلى - 42,31 ملرد تەڭگە).

دەسەك تە، جىل سايىن توتەنشە جاعدايلار ءۇشىن ميللياردتاعان قارجى بولىنگەنمەن، ەلىمىزدەگى اپاتتى جاعدايلاردىڭ الدىن الۋ مۇمكىن بولماي كەلەدى. بولىنگەن قاراجات سەبەبىمەن ەمەس، تەك سالدارىمەن كۇرەسۋگە جۇمسالىپ جاتقانداي.

“The Qazaq Times”