Putin Reseydiñ jaña äskeri tehnikaların tanıstırdı. Foto: 112.international

Resey prezidenti Vladimir Putin beysenbi küni jasağan bayandamasında, Reseydiñ älemde teñdesi joq yadrolıq zımıran jasap şığarğanın mälimdedi. Ol jäne mälimdemesinde, Reseydiñ odaqtastarı yadrolıq şabuılğa wşıraytın bolsa, onda bwl Reseyge jasalğan şabuıl dep qabıldaytının da jetkizgen. Bwl turalı «WSJ»  basılımı habarladı.

Putin Federaldıq keñestiñ müşelerine jasağan jıldıq bayandamasında belgili bolğanı – Resey yadrolıq qarudıñ jaña türin sätti sınaqtan ötkizgen, 2017 jıldıñ soñında sınaqtan ötkizilgen jaña zımırandardı qosqanda, bwl qazir älemdegi eñ ozıq yadrolıq zımıran bolıp sanaladı. Ol älemniñ kez-kelgen nüktesine şabuıl jasay aladı jäne zımıranğa qarsı jüyelerge wstatpaydı.

Reseydiñ jappay damıtıp jatqan qaru-jaraqtarınıñ işinde su astı soğısına arnalğan tehnikalar da bar. Atalğan resmi mälimette, Reseydiñ yadrolıq qaru tasımaldauğa arnalğan, jürgizuşisiz suastı kemesin sınaqtan ötkizgeni de mälim boldı.

Odaqtastarına jasalğan yadrolıq şabuıldı, Reseyge jasalğan şabuıl retinde qabıldap, birden toytarıs beretinin aytqan Putin, RF-nıñ äskeri qaru-jaraq öndirisiniñ jaña jetistikterin köbirek söz etti.

Bwl Putinniñ 18 naurızda bolatın prezident saylauına deyin soñğı ret Federaldıq keñeste bayandama jasauı.

“The Qazaq Times”