رەسەي پرەزيدەنتى ۆلاديمير پۋتين بەيسەنبى كۇنى جاساعان بايانداماسىندا، رەسەيدىڭ الەمدە تەڭدەسى جوق يادرولىق زىمىران جاساپ شىعارعانىن مالىمدەدى. ول جانە مالىمدەمەسىندە، رەسەيدىڭ وداقتاستارى يادرولىق شابۋىلعا ۇشىرايتىن بولسا، وندا بۇل رەسەيگە جاسالعان شابۋىل دەپ قابىلدايتىنىن دا جەتكىزگەن. بۇل تۋرالى «WSJ»  باسىلىمى حابارلادى.

پۋتين فەدەرالدىق كەڭەستىڭ مۇشەلەرىنە جاساعان جىلدىق بايانداماسىندا بەلگىلى بولعانى – رەسەي يادرولىق قارۋدىڭ جاڭا ءتۇرىن ءساتتى سىناقتان وتكىزگەن، 2017 جىلدىڭ سوڭىندا سىناقتان وتكىزىلگەن جاڭا زىمىرانداردى قوسقاندا، بۇل قازىر الەمدەگى ەڭ وزىق يادرولىق زىمىران بولىپ سانالادى. ول الەمنىڭ كەز-كەلگەن نۇكتەسىنە شابۋىل جاساي الادى جانە زىمىرانعا قارسى جۇيەلەرگە ۇستاتپايدى.

رەسەيدىڭ جاپپاي دامىتىپ جاتقان قارۋ-جاراقتارىنىڭ ىشىندە سۋ استى سوعىسىنا ارنالعان تەحنيكالار دا بار. اتالعان رەسمي مالىمەتتە، رەسەيدىڭ يادرولىق قارۋ تاسىمالداۋعا ارنالعان، جۇرگىزۋشىسىز سۋاستى كەمەسىن سىناقتان وتكىزگەنى دە ءمالىم بولدى.

وداقتاستارىنا جاسالعان يادرولىق شابۋىلدى، رەسەيگە جاسالعان شابۋىل رەتىندە قابىلداپ، بىردەن تويتارىس بەرەتىنىن ايتقان پۋتين، رف-نىڭ اسكەري قارۋ-جاراق ءوندىرىسىنىڭ جاڭا جەتىستىكتەرىن كوبىرەك ءسوز ەتتى.

بۇل ءپۋتيننىڭ 18 ناۋرىزدا بولاتىن پرەزيدەنت سايلاۋىنا دەيىن سوڭعى رەت فەدەرالدىق كەڭەستە بايانداما جاساۋى.

“The Qazaq Times”