Aq üyge bolat pen alyumin salasınıñ ökilderi şaqırıldı. Foto: Indus Dictum.

Tramp ükimeti beysenbi küngi Aq üyde ötetin jinalısqa bolat jäne alyuminiy salasınıñ jetekşi basşıları men lauazımdı twlğaların prezidentpen kezdesuge arnayı şaqırdı. Derek közderiniñ mälimdeuinşe, bwl jinalısta köpten kütken alyuminiy men bolat importın şekteu şarası qabıldanuı mümkin. Bwl turalı WSJ basılımı habarladı.

Tramp ükimeti eki salanıñ ökilderimen Aq üyde tarifter men kvotalar turalı keñespek. Prezident jäne onıñ keñesşileri atalğan sala ökilderimen keñesuden keyin, alyumin men bolat öndiru jäne import etu isinde bir qatar jaña sayasattardı jolğa qoyadı dep kütilude. Degenmen, bwl jinalısqa şaqırılğan keybir resmi ökilder Tramp ükimeti atalğan salalarda jaña sayasattıñ jobasın tüzip bolmağanın, beysenbi küngi jinalısta ıqtimal jobalardı ğana söz etui mümkin ekenin aytadı.

Bolat importına şekteu qoyu, Tramp ükimetiniñ Qıtaymen sauda soğısındağı tağı bir soqqısı deuge boladı. Osığan deyin Tramp ükimeti Qıtaydıñ bolat eksportınıñ Qwrama Ştattağı bolat öndirisin twnşıqtırğanın aytıp, narazılıq bildirip kelgen edi.   

 “The Qazaq Times”