ترامپ بۇگىن قىتايدىڭ بولات ەكسپورتىن شەكتەۋ شاراسىن جاريالاۋى مۇمكىن

ترامپ ۇكىمەتى بەيسەنبى كۇنگى اق ۇيدە وتەتىن جينالىسقا بولات جانە اليۋميني سالاسىنىڭ جەتەكشى باسشىلارى مەن لاۋازىمدى تۇلعالارىن پرەزيدەنتپەن كەزدەسۋگە ارنايى شاقىردى. دەرەك كوزدەرىنىڭ مالىمدەۋىنشە، بۇل جينالىستا كوپتەن كۇتكەن اليۋميني مەن بولات يمپورتىن شەكتەۋ شاراسى قابىلدانۋى مۇمكىن. بۇل تۋرالى WSJ باسىلىمى حابارلادى.

ترامپ ۇكىمەتى ەكى سالانىڭ وكىلدەرىمەن اق ۇيدە تاريفتەر مەن كۆوتالار تۋرالى كەڭەسپەك. پرەزيدەنت جانە ونىڭ كەڭەسشىلەرى اتالعان سالا وكىلدەرىمەن كەڭەسۋدەن كەيىن، اليۋمين مەن بولات ءوندىرۋ جانە يمپورت ەتۋ ىسىندە ءبىر قاتار جاڭا ساياساتتاردى جولعا قويادى دەپ كۇتىلۋدە. دەگەنمەن، بۇل جينالىسقا شاقىرىلعان كەيبىر رەسمي وكىلدەر ترامپ ۇكىمەتى اتالعان سالالاردا جاڭا ساياساتتىڭ جوباسىن ءتۇزىپ بولماعانىن، بەيسەنبى كۇنگى جينالىستا ىقتيمال جوبالاردى عانا ءسوز ەتۋى مۇمكىن ەكەنىن ايتادى.

بولات يمپورتىنا شەكتەۋ قويۋ، ترامپ ۇكىمەتىنىڭ قىتايمەن ساۋدا سوعىسىنداعى تاعى ءبىر سوققىسى دەۋگە بولادى. وسىعان دەيىن ترامپ ۇكىمەتى قىتايدىڭ بولات ەكسپورتىنىڭ قۇراما شتاتتاعى بولات ءوندىرىسىن تۇنشىقتىرعانىن ايتىپ، نارازىلىق ءبىلدىرىپ كەلگەن ەدى.   

 “The Qazaq Times”