foto: aljazeera.com

Malidiñ ortalığındağı Mopti (Mopti) aymağında bolğan jarılıstan 4 adam jaraqat alıp, BWW-nıñ 4 bitimgeri qaytıs boldı, - dep mälimdeydi Al Jazeera aqparat agenttigi.

BWW-nıñ Malidegi missiyasınıñ aqparatınşa, olardıñ köligi särsenbi küni jarılğan. Asa auır jaraqat alğan adamdardıñ ömirin saqtap qalu üşin medicinalıq qızmetkerler äli jantalasıp jatır.

Seysenbi küni tağı bir jarılıstan Malidiñ 6 sarbazı qaytıs boldı.

Missiya basşısı Mahamat Saleh Annadiftiñ (Mahamat Saleh Annadif): "Terrorister qalanıñ quıs-quısına jarılğış zattardı ornalastırıp ketedi", - deydi.

BWW-nıñ Malidegi missiyası 11 mıñnan astam äskeri qızmetkerleri bar, 2013 jılı qwrılğan älemdegi eñ qauipti bitimgerlik operaciyalardıñ biri (qarulı toptar ünemi olarğa şabuıl jasap twradı).

BWW mälimetinşe, 2013 jıldan beri missiyanıñ 146 müşesi qaza tapqan.

Malidegi jağday 2012 jıldan bastap twraqsız, sebebi sol kezde qarulı toptar eldiñ soltüstik aymağın tolıqtay qoldarına alğan. Olar bir jıldan keyin Franciya aralasqannan soñ ğana aymaqtı bosattı.

“The Qazaq Times”