"Şeşuşi dauıl" operaciyasındağı Saud armiyası. Foto: dawnnews.tv.

Iran sırtqı ister ministri Bahram Kasimi bir kün bwrın jasağan mälimdemesinde «qazirgi Yemendegi soğıstıñ bastı sebebi - AQŞ pen Wlıbritaniyanıñ Saud Arabiyasına qaru-jaraq satuı» dep körsetti. Bwl turalı Iran BAQ-ına silteme bere otırıp, People basılımı habarladı. 

Ol Irannıñ aqparat qwraldarına bergen swhbatında: «Iran tarabı Saud Arabiyasınan Yemenge jasalğan agressiyasın toqtatadı dep ümittenedi. Saud Arabiyasın agressiyağa itermelegen AQŞ pen Wlıbritaniyanıñ qaur-jaraq satıp berui», – dedi.

AQŞ pen Wlıbritaniya Irandı Yemendegi husitterge qaru-qaraq jetkizip berdi dep qaraydı. AQŞ tarabı ötken ayda BWW-da jasağan mälimdemesinde husit küşteriniñ Saud Arabiyasınıñ ortalıq qalasına qarsı zımıran şabuılın jasağanın aytqan. Alayda bwl zımırandı Saud Arabiyasınıñ äue qorğanıs jüyesi atıp tüsirdi. Olar tekseru nätijesinde zımırannıñ Iranda jasalğanın aytqan.

Alayda, bwnı Tehran (Tegeran) biligi moyındamadı. Olar bwnı AQŞ pen Saud Arabiyasınıñ islam respublikasına japqan jalası dep ayıptağan.

Osıdan keyin Wlıbritaniya BWW Qauipsizdik keñesinen Iranğa qarsı şara qoldanudı talap etip, alğaşqı adımdağı jobalardı dayındauğa kirisken. Biraq oğan Qauipsizdik keñestegi twraqtı müşeniñ biri Resey qarsı şığıp, AQŞ tarabınıñ körsetken dälelderi jalğan dedi.

Bwl qararğa pikir bildirgen Iran SİM basşısı sözinde: «Bwl qadamdar Yemendegi jağdaydı jaqsartuğa eş kömektespeydi. Bwl Wlıbritaniyanıñ jaulauşılarğa qolaylı etip dayındağan halıqaralıq şarası», – dep sınğa aldı.

Eske sala keteyik, 2014 jılı qırküyek ayında Yemendegi husit küşteri el astanası Saniyanı basıp aldı jäne eldiñ oñtüstik öñirlerin baqılauına aldı. Yemen prezidenti sayasi baspana swrap Saud Arabiyasına baruğa mäjbür boldı. 2015 jılı naurız ayında Saud Arabiyası men BAÄ Yemen husitterine qarsı «Şeşuşi dauıl» attı äskeri is-qimılın bastap, Yemen jerine soğıs aşqan bolatın.

“The Qazaq Times”