foto: bbc.com

Saud Arabiyası tarihında alğaş ret äsker qatarına äyelderdi aluğa ötiniş qabılday bastadı, - dep habarlaydı VVS aqparat agenttigi.

Aldağı beysenbige deyin äyelder Er-Riyad, Mekke, Al'-Kassim jäne Medina qalalarında sarbaz boluğa ötinişterin tapsıru kerek. Äyelderdi äskeri operaciyalarğa qatıstıru qarastırılmağan, biraq qauipsizdik salasında jwmıs isteytini anıq.

Ümitkerlerge 25-35 jas aralığındağı joğarı bilimdi, Saud Arabiyanıñ azamatı bolu talabı qoyılğan. Jalpı tizimde 12 talap bar.

Sarbazdar qatarına äyelderdi alu şeşimi Saud jwrtında soñğı aylarda jürgizilip jatqan reformalar şeñberinde äyelderdiñ qwqıqtarın köbeytuge baylanıstı qabıldandı.

Salman han mausım ayınan bastap äyelder kölik ayday alsa, ötken aydan bastap  futbol matçtarın stadionda köre alatının ayttı.

Degenmen qwqıq qorğauşılar Saud Arabiyasınıñ bergen uädesine qaramastan, eldegi diskriminaciyalıq jüye özgerissiz qaldı degen oyda. Osı jüye boyınşa, äyel adamdar elden şığu, twrmısqa şığu üşin rwqsat alu kerek. Sonımen qatar jwmısqa twru üşin nemese medicinalıq qızmetke jüginu üşin de bireudiñ kelisimin alu kerek.

“The Qazaq Times”