ساۋد ارابياسىندا اسكەر قاتارىنا ايەلدەر الىنباق

ساۋد ارابياسى تاريحىندا العاش رەت اسكەر قاتارىنا ايەلدەردى الۋعا ءوتىنىش قابىلداي باستادى، - دەپ حابارلايدى ۆۆس اقپارات اگەنتتىگى.

الداعى بەيسەنبىگە دەيىن ايەلدەر ەر-رياد، مەككە، ال-كاسسيم جانە مەدينا قالالارىندا سارباز بولۋعا وتىنىشتەرىن تاپسىرۋ كەرەك. ايەلدەردى اسكەري وپەراتسيالارعا قاتىستىرۋ قاراستىرىلماعان، بىراق قاۋىپسىزدىك سالاسىندا جۇمىس ىستەيتىنى انىق.

ۇمىتكەرلەرگە 25-35 جاس ارالىعىنداعى جوعارى ءبىلىمدى، ساۋد ارابيانىڭ ازاماتى بولۋ تالابى قويىلعان. جالپى تىزىمدە 12 تالاپ بار.

ساربازدار قاتارىنا ايەلدەردى الۋ شەشىمى ساۋد جۇرتىندا سوڭعى ايلاردا جۇرگىزىلىپ جاتقان رەفورمالار شەڭبەرىندە ايەلدەردىڭ قۇقىقتارىن كوبەيتۋگە بايلانىستى قابىلداندى.

سالمان حان ماۋسىم ايىنان باستاپ ايەلدەر كولىك ايداي السا، وتكەن ايدان باستاپ  فۋتبول ماتچتارىن ستاديوندا كورە الاتىنىن ايتتى.

دەگەنمەن قۇقىق قورعاۋشىلار ساۋد ارابياسىنىڭ بەرگەن ۋادەسىنە قاراماستان، ەلدەگى ديسكريميناتسيالىق جۇيە وزگەرىسسىز قالدى دەگەن ويدا. وسى جۇيە بويىنشا، ايەل ادامدار ەلدەن شىعۋ، تۇرمىسقا شىعۋ ءۇشىن رۇقسات الۋ كەرەك. سونىمەن قاتار جۇمىسقا تۇرۋ ءۇشىن نەمەسە مەديتسينالىق قىزمەتكە جۇگىنۋ ءۇشىن دە بىرەۋدىڭ كەلىسىمىن الۋ كەرەك.

“The Qazaq Times”