Foto: sko.gov.kz

Soltüstikte qazir qwrılıs ülken qarqın alğan. 2017 jılı 200 mıñ şarşı metr baspana paydalanuğa berildi. 1463 otbası päterdiñ kiltin aldı. Halıqqa esep bergen oblıs äkimi Qwmar Aqsaqalovtıñ sözinşe, biıl qwrılıs qarqını odan sayın üdey tüsedi.

2018 jılı 229 mıñ şarşı metr qoldanuğa beriledi. 1600 otbası qonıs toyın toylaydı. Äsirese, äleumettik twrğıda az qamtılğan otbasılarğa köp köñil bölinip keledi.

Petropavlda biıl jaña «Jas Örken» jäne «Solneçnıy» kentinde şağın audandar boy köteredi. Qazir Solneçnıy kentinde qızu jwmıs jürip jatır. Jıl soñına deyin 211 jeke üy paydalanuğa beriledi. Eki qabattı taunhaustar salu josparlanğan. 3 jılda eki mıñnan asa üy salınbaq.

«Jas Örken» şağın audanında da auqımdı qwrılıs jwmıstarı jürgizilude. Biıl mektep, oquşılar sarayı, qazaq teatrı salınadı. Tennis ortalığınıñ qwrılısı ayaqtaldı. Bwl audanda 2700 päterdi qoldanısqa beru josparlanğan. Sonday-aq qalada biıl älemdik talapqa say Hampton by Hilton qonaq üyi men «Dostyk Mall» iri sauda keşeni aşıladı.

“The Qazaq Times”