foto: aljazeera.com

Türkiya prem'er-ministriniñ orınbasarı Bekir Bozdag "süriyalıq äskerdiñ Afrin qalasındağı kürdter anklavına (qwramı) qosıladı" degen BAQ-tıñ jariyalağan aqparatı jalğan ekenin mälimdedi, - dep habarlaydı Al Jazeera aqparat agenttigi. 

Biraq Bekir Bozdagtıñ (Bekir Bozdag) aytuınşa, süriyalıq sarbazdardıñ kürdter odağına kömektesui Süriyanıñ soltüstik-batısına türikterdiñ şabuıldauına itermeleydi, al bwl aymaqtağı ülken apat bolayın dep twr.

Düysenbi küni ötken ministrler otırısında Bozdag: "Türkiya kürdter odağına qarsı äue jäne qwrlıq şabuılın soñğı terroristiñ közin joyğanşa jalğastıra beredi", - dep süriyalıq "SANA" aqparattıq agentiginiñ esebine jauap berdi.

SANA-nıñ esebi türik äskeri men süriyalıq küşterdiñ (Resey men Iran qoldap otırğan) soğısu mümkindigin qarastırğan.

SANA-nıñ mälimetinşe, Süriya ükimeti men kürdter odağı arasındağı kelisimnen keyin esep dwrıstap talqılanadı.

Biraq kürdter odağınıñ ökili Damaskpen kelisimge keluden bas tarttı.

Süriya prezidenti Başar al'-Asadtıñ (Bashar al-Assad) äskeri Süriyanıñ soltüstigin 2012 jılı bosattı, sebebi onıñ eldi basqaruına qarsı halıqtıñ narazılığı küşeyip, azamattıq soğısqa aynalıp ketti.

AQŞ qoldap otırğan "Süriya demokratiyalıq küşteriniñ" bir böligi sanalatın kürdter odağı (YPG) IGIL-ğa qarsı şabuıl kezinde Süriyanıñ soltüstigindegi biraz aymaqtı öz baqılauına aldı.

AQŞ-tıñ kürdter odağın qoldauı Türkiyanıñ ızasın keltirdi, sebebi Türkiya olardı "terrorlıq" top sanaydı. Ankara kürdter odağın birneşe jıl boyı eldiñ oñtüstik-şığıs böliginde türik ükimetine qarsı köteriliske şığıp jürgen "Kürdistannıñ jwmıs partiyasınıñ" bir böligi retinde qarastıradı.

20 qañtarda Türkiya Afrindegi kürdter odağınıñ sarbazdarın quıp şığu üşin süriyalıq soğısta jaña front aştı.

Türkiyanıñ SİM-i Mevlyut Çavuşoglu (Mevlut Cavusoglu) Ammandağı (Iordaniya) baspasöz konferenciyası kezinde Asadtıñ äskeri kürdter odağına kömektesu üşin Afrinğa kiretin bolsa, Türkiya qarsı şabuılğa şığatının ayttı. "Rejim kürdter odağına jaqtasatın bolsa, Türkiyanı nemese türik sarbazdarın eşkim de toqtata almaydı", - dedi ministr.

Türkiyanıñ memlekettik "Anadolu" agenttigi Rejep Tayıp Erdoğannıñ (Recep Tayyip Erdogan) Afrindegi soñğı jañalıqtar jaylı reseylik jäne irandıq äriptesterimen telefonmen söyleskenin mälimdedi.

Wlıbritaniyadağı Sasseks universitetiniñ (Sussex University) oqıtuşısı Kamran Matin (Kamran Matin): "Barlığı süriyalıq ükimet pen kürdter arasındağı kelisimge jäne Reseydiñ qay el jağında ekenine baylanıstı. Eger Resey şınımen qızığuşılıq tanıtsa, türik äskeri Afrindegi süriyalıq äskerge qarsı şabuıldağan jağdayda öz odaqtasına jaqtasatını anıq. Türkiyanıñ äue äskeri üşin Resey äue keñistigin jauıp tastap, Türkiyanıñ kez kelgen äskeri operaciyasınıñ aldın kesui de mümkin. Sebebi Afrindegi qaqtığısta Türkiya osı äue küşteriniñ arqasında basımdıqqa ie bolğan", - dedi.

Türkiya, Iran jäne Reseydiñ Sırtqı ister ministrleri 14 naurızda Stambulda bas qosadı.

“The Qazaq Times”