ءسۇريا مەن كۇردتەر وداقتاستار ما؟

تۇركيا پرەمەر-ءمينيسترىنىڭ ورىنباسارى بەكير بوزداگ "سۇريالىق اسكەردىڭ افرين قالاسىنداعى كۇردتەر انكلاۆىنا (قۇرامى) قوسىلادى" دەگەن باق-تىڭ جاريالاعان اقپاراتى جالعان ەكەنىن مالىمدەدى، - دەپ حابارلايدى Al Jazeera اقپارات اگەنتتىگى. 

بىراق بەكير بوزداگتىڭ (Bekir Bozdag) ايتۋىنشا، سۇريالىق ساربازداردىڭ كۇردتەر وداعىنا كومەكتەسۋى ءسۇريانىڭ سولتۇستىك-باتىسىنا تۇرىكتەردىڭ شابۋىلداۋىنا يتەرمەلەيدى، ال بۇل ايماقتاعى ۇلكەن اپات بولايىن دەپ تۇر.

دۇيسەنبى كۇنى وتكەن مينيسترلەر وتىرىسىندا بوزداگ: "تۇركيا كۇردتەر وداعىنا قارسى اۋە جانە قۇرلىق شابۋىلىن سوڭعى تەرروريستىڭ كوزىن جويعانشا جالعاستىرا بەرەدى", - دەپ سۇريالىق "SANA" اقپاراتتىق اگەنتىگىنىڭ ەسەبىنە جاۋاپ بەردى.

SANA-نىڭ ەسەبى تۇرىك اسكەرى مەن سۇريالىق كۇشتەردىڭ (رەسەي مەن يران قولداپ وتىرعان) سوعىسۋ مۇمكىندىگىن قاراستىرعان.

SANA-نىڭ مالىمەتىنشە، ءسۇريا ۇكىمەتى مەن كۇردتەر وداعى اراسىنداعى كەلىسىمنەن كەيىن ەسەپ دۇرىستاپ تالقىلانادى.

بىراق كۇردتەر وداعىنىڭ وكىلى داماسكپەن كەلىسىمگە كەلۋدەن باس تارتتى.

ءسۇريا پرەزيدەنتى باشار ال-اسادتىڭ (Bashar al-Assad) اسكەرى ءسۇريانىڭ سولتۇستىگىن 2012 جىلى بوساتتى، سەبەبى ونىڭ ەلدى باسقارۋىنا قارسى حالىقتىڭ نارازىلىعى كۇشەيىپ، ازاماتتىق سوعىسقا اينالىپ كەتتى.

اقش قولداپ وتىرعان ء"سۇريا دەموكراتيالىق كۇشتەرىنىڭ" ءبىر بولىگى سانالاتىن كۇردتەر وداعى (YPG) يگيل-عا قارسى شابۋىل كەزىندە ءسۇريانىڭ سولتۇستىگىندەگى ءبىراز ايماقتى ءوز باقىلاۋىنا الدى.

اقش-تىڭ كۇردتەر وداعىن قولداۋى تۇركيانىڭ ىزاسىن كەلتىردى، سەبەبى تۇركيا ولاردى "تەررورلىق" توپ سانايدى. انكارا كۇردتەر وداعىن بىرنەشە جىل بويى ەلدىڭ وڭتۇستىك-شىعىس بولىگىندە تۇرىك ۇكىمەتىنە قارسى كوتەرىلىسكە شىعىپ جۇرگەن "كۇردىستاننىڭ جۇمىس پارتياسىنىڭ" ءبىر بولىگى رەتىندە قاراستىرادى.

20 قاڭتاردا تۇركيا افريندەگى كۇردتەر وداعىنىڭ ساربازدارىن قۋىپ شىعۋ ءۇشىن سۇريالىق سوعىستا جاڭا فرونت اشتى.

تۇركيانىڭ ءسىم-ءى مەۆليۋت چاۆۋشوگلۋ (Mevlut Cavusoglu) اممانداعى (يوردانيا) ءباسپاسوز كونفەرەنتسياسى كەزىندە اسادتىڭ اسكەرى كۇردتەر وداعىنا كومەكتەسۋ ءۇشىن افرينعا كىرەتىن بولسا، تۇركيا قارسى شابۋىلعا شىعاتىنىن ايتتى. "رەجيم كۇردتەر وداعىنا جاقتاساتىن بولسا، تۇركيانى نەمەسە تۇرىك ساربازدارىن ەشكىم دە توقتاتا المايدى", - دەدى مينيستر.

تۇركيانىڭ مەملەكەتتىك "Anadolu" اگەنتتىگى رەجەپ تايىپ ەردوعاننىڭ (Recep Tayyip Erdogan) افريندەگى سوڭعى جاڭالىقتار جايلى رەسەيلىك جانە يراندىق ارىپتەستەرىمەن تەلەفونمەن سويلەسكەنىن مالىمدەدى.

ۇلىبريتانياداعى ساسسەكس ۋنيۆەرسيتەتىنىڭ (Sussex University) وقىتۋشىسى كامران ماتين (Kamran Matin): "بارلىعى سۇريالىق ۇكىمەت پەن كۇردتەر اراسىنداعى كەلىسىمگە جانە رەسەيدىڭ قاي ەل جاعىندا ەكەنىنە بايلانىستى. ەگەر رەسەي شىنىمەن قىزىعۋشىلىق تانىتسا، تۇرىك اسكەرى افريندەگى سۇريالىق اسكەرگە قارسى شابۋىلداعان جاعدايدا ءوز وداقتاسىنا جاقتاساتىنى انىق. تۇركيانىڭ اۋە اسكەرى ءۇشىن رەسەي اۋە كەڭىستىگىن جاۋىپ تاستاپ، تۇركيانىڭ كەز كەلگەن اسكەري وپەراتسياسىنىڭ الدىن كەسۋى دە مۇمكىن. سەبەبى افريندەگى قاقتىعىستا تۇركيا وسى اۋە كۇشتەرىنىڭ ارقاسىندا باسىمدىققا يە بولعان", - دەدى.

تۇركيا، يران جانە رەسەيدىڭ سىرتقى ىستەر مينيسترلەرى 14 ناۋرىزدا ستامبۋلدا باس قوسادى.

“The Qazaq Times”