Oñtüstik Afrika Respublikasınıñ bwrınğı vice-ministri Siril Ramapoza (Cyril Ramaphosa) prezident bolıp tağayındaldı, - dep habarlaydı Euronews aqparat agenttigi.

Köpşilik Oñtüstik Afrika Respublikasınıñ jaña prezidentinen  jaña bastamalardı kütedi. Jergilikti halıq Jeykob Zuma (Jacob Zuma) bilik etken uaqıt (jemqorlıqtıñ däuiri jürip twrğan kez) endi qaytalanbastay ötken şaqta ğana qaladı dep ümittenedi. Eldiñ jaña basşısı alğaşqı sözinde halıqtı jäne baqılauşılardı sabırğa şaqıruğa tırıstı.

"Qarapayım halıqtıñ adal eñbegimen tapqan nanın, qoğamnıñ baylığın korporativti qılmıskerlerdiñ wrlauına jol bermeytin, ädilettilik pen auızbirşilikke negizdelgen qoğam qwramız dep bel budıq" - deydi prezident.

OAR tabiği qazbalarğa bay, potencialdı el bolğanımen, teñsizdikpen baylanıstı tarihi şielenister, jwmıssızdıqtıñ joğarı deñgeyi, kedeyşilik sekildi mäselelerden köz aşa almay keledi. Ramapoza osınıñ barlığın şeşuge tırısatının ayttı. Eñ birinşi kezekte oğan jergilikti halıqtıñ joğarı bilik ökilderine degen senimin qaytaruğa tırısu kerek.

“The Qazaq Times”