وڭتۇستىك افريكا رەسپۋبليكاسىنىڭ بۇرىنعى ۆيتسە-ءمينيسترى سيريل راماپوزا (Cyril Ramaphosa) پرەزيدەنت بولىپ تاعايىندالدى، - دەپ حابارلايدى Euronews اقپارات اگەنتتىگى.

كوپشىلىك وڭتۇستىك افريكا رەسپۋبليكاسىنىڭ جاڭا پرەزيدەنتىنەن  جاڭا باستامالاردى كۇتەدى. جەرگىلىكتى حالىق جەيكوب زۋما (Jacob Zuma) بيلىك ەتكەن ۋاقىت (جەمقورلىقتىڭ ءداۋىرى ءجۇرىپ تۇرعان كەز) ەندى قايتالانباستاي وتكەن شاقتا عانا قالادى دەپ ۇمىتتەنەدى. ەلدىڭ جاڭا باسشىسى العاشقى سوزىندە حالىقتى جانە باقىلاۋشىلاردى سابىرعا شاقىرۋعا تىرىستى.

"قاراپايىم حالىقتىڭ ادال ەڭبەگىمەن تاپقان نانىن، قوعامنىڭ بايلىعىن كورپوراتيۆتى قىلمىسكەرلەردىڭ ۇرلاۋىنا جول بەرمەيتىن، ادىلەتتىلىك پەن اۋىزبىرشىلىككە نەگىزدەلگەن قوعام قۇرامىز دەپ بەل بۋدىق" - دەيدى پرەزيدەنت.

وار تابيعي قازبالارعا باي، پوتەنتسيالدى ەل بولعانىمەن، تەڭسىزدىكپەن بايلانىستى تاريحي شيەلەنىستەر، جۇمىسسىزدىقتىڭ جوعارى دەڭگەيى، كەدەيشىلىك سەكىلدى ماسەلەلەردەن كوز اشا الماي كەلەدى. راماپوزا وسىنىڭ بارلىعىن شەشۋگە تىرىساتىنىن ايتتى. ەڭ ءبىرىنشى كەزەكتە وعان جەرگىلىكتى حالىقتىڭ جوعارى بيلىك وكىلدەرىنە دەگەن سەنىمىن قايتارۋعا تىرىسۋ كەرەك.

“The Qazaq Times”