Tehrannan (Tehran) YAsudj (Yasuj) qalasına wşıp bara jatqan 66 jolauşısı bar wşaq keşe, 18 aqpan küni, apatqa wşıradı, - dep habarlaydı Euronews aqparat agenttigi.

Jedel kömek körsetu qızmetiniñ ökili Moytaba Halediniñ (Mojtaba Khaledi) sözinşe, Aseman Airlines äue kompaniyası qaramağındağı wşaq Semirom (Semirom) qalasınıñ mañındağı taulı aymaqta qwlağan.  Bilik ökilderiniñ aytuınşa, wşaq astanadan köterilgennen keyin şamamen 50 minutqa radardan joğalıp ketken. Apatqa ne sebep bolğanı jaylı äli de aqparat joq.

"Mehr" aqparat agenttiginiñ habarlauınşa, aua-rayı twmandı bolıp twrğandıqtan, tikwşaq apat bolğan jerge qona almağan. Tötenşe jağday qızmetkerleri qwrlıqpen jetuge tırısıp bağuda.

Soñğı birneşe onjıldıqta Iranda birneşe wşaq apatı boldı. Tehrannıñ mälimdeuinşe, jaña wşaqtar nemese onıñ bölşekterin batıstan satıp aluğa AQŞ kedergi keltirip otırğan körinedi.

“The Qazaq Times”