تەھراننان (Tehran) ياسۋدج (Yasuj) قالاسىنا ۇشىپ بارا جاتقان 66 جولاۋشىسى بار ۇشاق كەشە، 18 اقپان كۇنى، اپاتقا ۇشىرادى، - دەپ حابارلايدى Euronews اقپارات اگەنتتىگى.

جەدەل كومەك كورسەتۋ قىزمەتىنىڭ وكىلى مويتابا حالەدينىڭ (Mojtaba Khaledi) سوزىنشە، Aseman Airlines اۋە كومپانياسى قاراماعىنداعى ۇشاق سەميروم (Semirom) قالاسىنىڭ ماڭىنداعى تاۋلى ايماقتا قۇلاعان.  بيلىك وكىلدەرىنىڭ ايتۋىنشا، ۇشاق استانادان كوتەرىلگەننەن كەيىن شامامەن 50 مينۋتقا راداردان جوعالىپ كەتكەن. اپاتقا نە سەبەپ بولعانى جايلى ءالى دە اقپارات جوق.

"مەحر" اقپارات اگەنتتىگىنىڭ حابارلاۋىنشا، اۋا-رايى تۇماندى بولىپ تۇرعاندىقتان، تىكۇشاق اپات بولعان جەرگە قونا الماعان. توتەنشە جاعداي قىزمەتكەرلەرى قۇرلىقپەن جەتۋگە تىرىسىپ باعۋدا.

سوڭعى بىرنەشە ونجىلدىقتا يراندا بىرنەشە ۇشاق اپاتى بولدى. تەھراننىڭ مالىمدەۋىنشە، جاڭا ۇشاقتار نەمەسە ونىڭ بولشەكتەرىن باتىستان ساتىپ الۋعا اقش كەدەرگى كەلتىرىپ وتىرعان كورىنەدى.

“The Qazaq Times”